નવી દિલ્હી: જોની બેયરસ્ટોની 48 (28 બોલમાં 9 ચોગ્ગા અને 1 સિક્સ સાથે) રનની ઉત્કૃષ્ઠ ઈનિંગની મદદથી સનરાઈઝર્સ હૈદરાબાદે (SRH)એ દિલ્હી કેપિટલ્સ (DC)ને 5 વિકેટે હરાવી દીધી. હૈદરાબાદની ટીમએ સીઝનની ત્રીજી જીત નોંધાવતા 6 પોઈન્ટ્સની સાથે પોઈન્ટ્સ ટેબલમાં પહેલું સ્થાન મેળવી લીધું છે. સનરાઈઝર્સની ટીમે અહીં દિલ્હીને પહેલા બેટિંગ કરવા આમંત્રણ આપ્યું હતું અને તેના બોલરોની ચૂસ્ત બોલિંગની કારણે દિલ્હીની ટીમ મહેમાન ટીમને 130 રનનું જ લક્ષ્ય આપી શકી.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
તેના જવાબમાં ઓપનિંગમાં ઉતરેલા જોની બેયરસ્ટોએ જલદી જ પોતાના હાથ ખોલી દીધા અને બીજા છેડા પર ઉભેલા ડેવિડ વોર્નર (10)ને શાંત જ રહેવા દીધો. બેયરસ્ટો એક છેડેથી સતત રન બનાવી રહ્યો હતો અને જોત-જોતામાં તે ઈનિંગ્સની 7મી ઓવરમાં જ પોતાની ફિફ્ટીની નજીક પહોંચી ગયો. જોકે, ફિફ્ટીથી 2 રન પહેલા જ રાહુલ તેવતિયાએ તેને એલબીડબલ્યુ આઉટ કરી દીધો. પરંતુ, ત્યાં સુધીમાં બેયરસ્ટો પોતાની ટીમને જીતની નજીક લઈ જઈ ચૂક્યો હતો. 48 રનની તેની ઈનિંગ માટે તેને મેન ઓફ ધ મેચ પસંદ કરાયો.
મેચ બાદ બેયરસ્ટોએ કહ્યું કે, ‘હૈદરાબાદ કરતા આ પિચ પર ઉછાળ ઓછો હતો. પિચ પર રહેલી તિરાડોથી કોઈપણ તેનો અંદાજ લાગીવ શકે છે. એવામાં અમે ભાગ્યશાળી રહ્યા કે અમે અહીં ટોસ જીતી શક્યા. કેમકે, અહીં બીજી ઈનિંગમાં બેટિંગ કરવું સરળ નથી. અમારા બોલરોએ જણાવ્યું કે, અહીં બાઉન્ડ્રી પણ નાની હતી અને દડો પણ ઘણો ફરી રહ્યો હતો. તેમની ટીમમાં ખેલાડી અમારી ટીમના ખેલાડીઓથી વધારે લાંબા હતા, તો અમારે તેનું પણ ધ્યાન રાખવાનું હતું.’
from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2OPsOKA
No comments:
Post a Comment