મેદાન પર છવાયું રસેલનું વાવાઝોડું
બેંગલુરુઃ આઈપીએલની 12મી સીઝનની 17મી મેચ રોયલ ચેલેન્જર્સ બેંગલોર અને કોલકાતા નાઈટરાઈડર્સ વચ્ચે થઈ હતી. આ મેચ બેંગલુરુના એમ.ચિન્નાસ્વામી સ્ટેડિયમમાં રમાઈ હતી. પહેલા એવું લાગતું હતું કે આરસીબી માટે થોડી રાહતની વાત હશે કારણકે આ તેનું ડોમેસ્ટિક મેદાન છે પરંતુ ઘરેલું મેદાન પર તે હારી ગયું હતું. કોલકાતાએ ટોસ જીતીને પહેલા રોયલ ચેલેન્જર્સને બેટિંગ કરવા માટે આમંત્રણ આપ્યું હતું. રોયલ ચેલેન્જર્સ બેંગ્લોરે પહેલા બેટિંગ કરતાં 205 રન બનાવ્યાં હતાં. જેના જવાબમાં KKRએ પાંચ વિકેટ ગુમાવીને આ ટાર્ગેટ પાર પાડ્યો હતો.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
લીન-રસેલની ઈનિંગે અપાવી જીત
205 રનના ટાર્ગેટને ચેઝ કરવા ઉતરેલી KKRની ટીમની શરુઆત સારી રહી હતી. ઓપનર ક્રિસ લીને 31 બોલમાં 43 રન ફટકાર્યાં હતાં. જોકે, એસપી નરીન માત્ર 10 રનમાં જ પેવેલિયન પરત ફર્યો હતો. આ પછી બેટિંગમાં ઉતરેલા ઉથપ્પા, રાણા અને કેપ્ટન કાર્તિક પણ કંઈ ખાસ કમાલ બતાવી શક્યાં નહોતાં. આ પછી છઠ્ઠા ક્રમે રમવા ઉતરેલા રસેલે પોતાની આક્રમક બેટિંગનો પરચો આપતાં માત્ર 13 બોલમાં જ 48 રન ઝૂડીને ટીમને જીત અપાવી હતી.
વિરાટ કોહલી-એબી ડિવિલિયર્સે કરી હતી આક્રમક બેટિંગ
આ પહેલા રોયલ ચેલેન્જર્સ બેંગ્લોરે બેટિંગ કરી હતી. જેની શરુઆત ધીમી રહી હતી છતાં વિરાટ કોહલી અને પાર્થિવ પટેલ વચ્ચે 64 રનની પાર્ટનરશીપ થઈ હતી. જ્યારે ટીમના 172 રનના સ્કોર પર વિરાટ કોહલીના રુપમાં બીજી વિકેટ પડી હતી. આ પછી એબી ડિવિલિયર્સે બાજી સંભાળી હતી. 63 રનના અંગત સ્કોર પર શુભમન ગિલે બાઉન્ડ્રી પાસે એબી ડિવિલિયર્સનો કેચ પકડ્યો હતો. એબી ડીવિલીયર્સે પોતાની આઈપીએલ કરિયરની 30મી અડધી સદી પૂરી કરી હતી.
સદીથી ચૂક્યો વિરાટ કોહલી
વિરાટ કોહલીએ 49 બોલમાં 84 રન ઝૂડી કાઢ્યાં હતાં. જોકે તે પોતાની સદીથી ચૂકી ગયો હતો. રોયલ ચેલેન્જર્સ બેંગ્લોર હજુ સુધી પોતાનું ખાતું ખોલાવી શકી નથી. બેંગ્લોરે અત્યાર સુધીમાં પાંચ મેચ રમી છે. જેમાંથી તેને દરેક મેચમાં હારનો સામનો કરવો પડ્યો છે. કેકેઆરે અહીં રમાયેલા ગત ત્રણ મુકાબલામાં પણ બેંગ્લોરને હરાવ્યું હતું.
from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2OVHQyI
No comments:
Post a Comment