અમદાવાદ: ભાજપના ધારાસભ્ય પબુભા માણેકને સુપ્રીમ કોર્ટમાંથી નિરાશા સાંપડી છે. ઉમેદવારી પત્રક ભરવામાં થયેલી ભૂલને કારણે દ્વારકા વિધાનસભા બેઠકની 2017માં થયેલી ચૂંટણી રદ્દ કરવાના ગુજરાત હાઈકોર્ટના નિર્ણય પર સુપ્રીમ કોર્ટે સ્ટે આપવાનો ઈનકાર કરી દીધો છે. કોર્ટે આ મામલે હવે સપ્ટેમ્બરમાં જ સુનાવણી થશે તેમ જણાવ્યું છે. ઉલ્લેખનીય છે કે, પબુભાના ઉમેદવારી પત્રક સામે કોંગ્રેસના ઉમેદવારે વાંધો ઉઠાવી ગુજરાત હાઈકોર્ટમાં અપીલ કરી હતી.
દ્વારકા બેઠક પર કોંગ્રેસના ઉમેદવાર મેરામણ આહીરે હાઈકોર્ટમાં કરેલી અપીલમાં જણાવ્યું હતું કે, પબુભાના પ્રસ્તાવકે ફોર્મમાં બેઠકનું નામ જ ન લખ્યું હોવાથી તેને માન્ય ગણી શકાય નહીં. આહીરની અરજીને માન્ય રાખતા ગુજરાત હાઈકોર્ટે દ્વારકાની ચૂંટણી રદ્દ કરવાનો આદેશ આપ્યો હતો. કોર્ટે પોતાના ચુકાદા પર સ્ટે આપવાનો પણ ઈનકાર કરી દેતા પબુભાને તાત્કાલિક સુપ્રીમ કોર્ટમાં અરજી કરવી પડી હતી. જોકે, સુપ્રીમે પણ પબુભાને રાહત નથી આપી.
પબુભા દ્વારકામાં સાતમી વાર વિધાનસભા ચૂંટણી જીત્યા છે. 2017માં થયેલી ચૂંટણીમાં તેમની 5943 મતોથી જીત થઈ હતી. જોકે, તેમની સામે ચૂંટણી લડી રહેલા મેરામણ આહીરે પબુભાના ફોર્મ સામે જ વાંધો લઈ રિટર્નિંગ ઓફિસરને પણ રજૂઆત કરી હતી. રિટર્નિંગ ઓફિસરે આહીરની માગને ફગાવી દેતા પબુભાનું ફોર્મ માન્ય રાખ્યું હતું. જોકે, મામલો કોર્ટમાં પહોંચતા દ્વારકાની ચૂંટણી રદ્દ કરવાનો ઓર્ડર આવ્યો હતો.
from Page Array – I Am Gujarat http://bit.ly/2UsAMe1
No comments:
Post a Comment