IPL 12: એક હાથથી શોટ મારીને બોલ સ્ટેડિયમના છાપરે પહોંચાડી દીધો

ડિવિલિયર્સનો શોટ જોઈ સૌ કોઈ ચોંકી ઉઠ્યા

રોયલ ચેલેન્જર્સ બેંગ્લોર માટે રમી રહેલા દક્ષિણ આફ્રિકાના ધાકડ બેટ્સમેન એ.બી ડી વિલિયર્સે ભલે ઈન્ટરનેશનલ ક્રિકેટમાંથી સન્યાસ લઈ લીધો હોય પરંતુ તેણે બુધવારે રાત્રે કિંગ્લ ઈલેવન પંજાબ સામે ફરી પોતાન દમ બતાવ્યો. આ ઘુરંધર બેટ્સમેને આઈપીએલ 2019માં પોતાની પાંચમી અડધી સદી ફટકારી અને આ દરમિયાન એવી ઈનિંગ રમી કે સૌ કોઈનું દીલ જીતી લીધું. એબીને મિસ્ટર.360ના નામથી પણ ઓળખાય છે અને તેનું આ નામ એમ જ નથી પડ્યું. પોતાના અનોખા તથા મેદાનની ચારેય બાજુથી રમાયેલા રસપ્રદ શોટ્સ માટે તે હંમેશા જાણીતો રહ્યો છે અને બુધવાપે પણ તેણે પોતાના શોટથી દુનિયાને હેરાન કરી નાખી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

પંજાબને 17 રનથી હરાવ્યું

આ મેચમાં કિંગ્સ ઈલેવન પંજાબ એક સમયે 81 રન પર હતું અને પોતાની ચાર વિકેટ ગુમાવી દીધી હતી, પરંતુ એબી ડિવિલિયર્સે ફરી બેંગ્લોરને બતાવી લીધું અને 44 બોલમાં 82 રનની ઈનિંગ રમી જેમાં 7 છગ્ગાઓ અને 3 ચોગ્ગા શામેલ રહ્યા. આ આઈપીએલ સીઝનની તેની પાંચમી અડધી સદી હતી. તેના અને માર્કસ્ સ્ટોઈનિસ (અણનમ 46 રન)ના દમ પર બેંગ્લોરનો સ્કોર 202 રન સુધી પહોંચ્યો અને બાદમાં પંજાબને 185 રન પર રોકતા બેંગ્લોરે 17 રનથી મેચ જીતી લીધી.

એક હાથથી મારી સિક્સર

M42: RCB vs KXIP – AB de Villiers Six https://t.co/PCN9UTnOtq via @ipl

— Yogesh Gajjar (@imyogesh_07) April 25, 2019

પોતાની આ ઈનિંગ દરમિયાન એબીએ 7 સિક્સર ફટકારી અને તેમાંથી જ એક સિક્સ ખૂબ ખાસ કરી તેનો વીડિયો હાલમાં ખૂબ વાઈરલ થઈ રહ્યો છે. આ શોટ તેણે મોહમ્મદ શમીની 19મી ઓવરમાં મારી. ઓવરના ત્રીજા અને ચોથા બોલ પર સતત બે સિક્સ મારી ચૂક્યો હતો. શમીએ એક ફુલ ટોસ બોલ ફેંક્યો જેના પર એબીએ બચવાનો પ્રયાસ કરતા માથું નીચે કરીને બેટ આગળ કરી દીધું. તેણે બોલ તરફ સરખું જોયું પણ નહોતુ પરંતુ બોલ એવી ટાઈમિંગ સાથે બેટને અડ્યો કે સીધો સ્ટેડિયમના છાપરા પર પહોંચી ગયો.

આ સિઝનમાં ફટકારી છે 5 અડધી સદી

એબી ડીવિલિયર્સે અત્યાર સુધી આ આઈપીએલ સીઝનમાં 10 મેચોમાં 414 રન બનાવ્યા છે. આ દરમિયાન તે 3 વખત અણનમ રહ્યો. આપીએલની આ સિઝનમાં તેની 59.14ની એવરેજ અને 158.01ની સ્ટ્રાઈક રેટ રહી છે. આ 10 મુકાબલામાં તે 5 અડધી સગી સાથે સૌથી વધુ રન બનાવનારા બેટ્સમેનોના લિસ્ટમાં પાંચમા સ્થાન પર છે. એબીએ 2019ના આઈપીએલમાં 25 છગ્ગા અને 29 ચોગ્ગા માર્યા છે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2IUAxpV