IPL: મેદાન પર 2 ઓવર માટે આવ્યું ‘રસેલ’ તોફાન, RCBના હાથમાંથી છીનવી લીધી જીત

IPL 12માં RCBની પાંચમી હાર

બેંગલુરુના એમ. ચિન્નાસ્વામી સ્ટેડિયમમાં શુક્રવારે રોયલ ચેલેન્જર્સ બેંગલોર સામે રમાયેલી મેચમાં કોલકાતા નાઈટ રાઈડર્સની ટીમે 5 વિકેટે જીત મેળવી લીધી. આ મેચમાં ફરી એકવાર આંદ્રે રસેલની ઈનિંગે સૌ કોઈનું દિલ જીતી લીધું. મેચમાં 3 ઓવર બાકી હતી ત્યારે ક્રીઝ પર આવેલા રસેલે કોહલીની ટીમના હાથમાં જીત છીનવી લીધી અને એકલા હાથે પોતાની ટીમે જીત અપાવી દીધી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

આંદ્રે રસેલની વિસ્ફોટક બેટિંગ

RCBની ટીમે આપેલા 205 રનનો પહાડ જેવો સ્કોરનો પીછો કરી રહેલી KKRની ટીમને 17 ઓવરમાં 153 રને 5 વિકેટ ગુમાવી દીધી હતી. ટીમને જીતવા માટે 18 બોલમાં 53 રનની જરૂર હતી ત્યારે આંદ્રે રસેલ ક્રીઝ પર આવ્યો. રસેલે 13 બોલમાં 48 રન ફટકારી દીધા. આ દરમિયાન તેણે 1 ચોગ્ગો અને 7 સિક્સર ફટકારી અને તેની સ્ટ્રાઈક રેટ 369.23ની હતી.

17મી ઓવરમાં મોહમ્મદ સિરાજથી થઈ ભૂલ

KKRના કેપ્ટન દિનેશ કાર્તિકના આઉટ થયા બાદ 17મી ઓવરમાં રસેલ ક્રીઝ પર આવ્યો હતો, આ સમયે તેની સામે મોહમ્મદ સિરાજ બોલિંગ કરી રહ્યો હતો. જોકે ઓવરનો ત્રીજો બોલ સિરાજે હાઈ ફુલ ટોસ ફેંક્યો, જેના પર રસેલે સિક્સ મારી દીધી. બોલની હાઈટ વધારે હોવાથી અમ્પાયરે તેને નો બોલ જાહેર કર્યો. બસ અહીંથી રસેલને તક મળી અને તેણે ઓવરમાં વધુ બે સિક્સ મારીને 23 રન બનાવ્યા. આ પછી બોલિંગમાં આવેલા ટીમ સાઉથીનો પણ રસેલે ઉધડો લઈ લીધો અને ચાર સિક્સર તથા એક ફોર મારીને 29 રન બનાવી ટીમનો સ્કોર 205-5ના લેવલે પહોંચાડી દીધો.

હજુ સુધી એકપણ મેચ નથી જીતી શક્યું RCB

IPLની 12મી સિઝન શરૂ થઈ ત્યારથી પોતાની પહેલી જીત મેળવવા માટે પ્રયાસ કરી રહેલી કોહલીની ટીમને એક સમયે આ મેચ પોતાના પક્ષમાં હોય તેમ લાગી રહ્યું હતું. પરંતુ રસેલ બેટિંગ માટે આવીને જે રીતે ચોગ્ગા-છગ્ગાનો વરસાદ કરવા લાગ્યો આ જોઈને વિરાટ કોહલી મેદાન પર શું થઈ રહ્યું છે તે સમજી ન શક્યો.

સંકટ સમયે રસેલે અપાવી જીત

ઉલ્લેખનીય છે કે આ પહેલા હૈદરાબાદ સામેની હાઈસ્કોરિંગ મેચમાં પણ રસેલે અંતિમ સમયે વિસ્ફોટક બેટિંગ કરીને ટીમને પહેલી મેચમાં જીત અપાવી હતી. ત્યારે ફરી એકવાર તે ટીમ માટે સંકટ મોચક બન્યો હતો. જ્યારે વિરાટ કોહલી પોતાના બોલર્સની આવા ખરાબ પ્રદર્શન બાદ ખુબ નિરાશ થયો હતો.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2YSbR71