IPL 2019: બેયરસ્ટો-વોર્નરની આક્રમક બેટિંગ, બનાવ્યો ધમાકેદાર રેકોર્ડ

સૌથી વધુ ભાગીદારીનો રેકોર્ડ

હૈદરાબાદઃ જોની બેયરસ્ટો અને ડેવિડ વોર્નરે ઈન્ડિયન પ્રીમિયર લીગમાં પહેલી વિકેટ માટે સૌથી વધુ ભાગીદારીનો રેકોર્ડ બનાવ્યો હતો. બન્નેએ પહેલી વિકેટની ભાગીદારી માટે 185 રન બનાવ્યાં હતાં. આ ઉપરાંત આઈપીએલના ઈતિહાસમાં એક ટીમના ઓપનર્સે સદી ફટકારી હોય તેવી પણ પ્રથમ ઘટના છે. તેણે કોલકાતા નાઈટ રાઈડર્સના ગૌતમ ગંભીર અને ક્રિસ લિને 2017માં ગુજરાત લાયન્સ વિરુદ્ધ પહેલી વિકેટની ભાગીદારી માટે 184 રન જોડ્યા હતાં.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ટીમ માટે કરી ધમાકેદાર શરુઆત

રાજીવ ગાંધી ઈન્ટરનેશનલ સ્ટેડિયમમાં રોયલ ચેલેન્જર્સ બેંગ્લોરના કેપ્ટન વિરાટ કોહલીએ ટોસ જીતીને સનરાઈઝર્સ હૈદરાબાદને પહેલા બેટિંગનું આમંત્રણ આપ્યું હતું. જે પછી આ બન્નેએ ટીમ માટે ધમાકેદાર શરુઆત કરી હતી. બેયરસ્ટોએ આઈપીએલમાં પહેલી સદી ફટકારી. તેણે પોતાની ત્રીજી ઈનિંગમાં જ આઈપીએલમાં સદી ફટકારવાનું કારનામું કર્યું હતું. આવું કરનાર એન્ડ્રુ સાઈમન્ડ્સ પછી બીજો બેટ્સમેન બન્યો છે. આઈપીએલમાં સૌથી ઓછી ઈનિંગમાં સદી ફટકારવામાં તે બીજા નંબર પર છે. બ્રેન્ડન મેકુલમ અને માઈકલ હસીએ પહેલી આઈપીએલ ઈનિંગમાં જ સદી ફટકારી હતી.

બેયરસ્ટોની ધમાકેદાર ઈનિંગ

આઈપીએલમાં બેંગલોર માટે અત્યાર સુધીનો સૌથી સફળ બોલર યુજવેન્દ્ર ચહલે બેયરસ્ટોને આઉટ કર્યો હતો. બેયરસ્ટોએ 56 બોલમાં 12 ચોગ્ગા અને સાત સિક્સર લગાવી હતી. આ સીઝનમાં બેયરસ્ટો સદી ફટકારનાર બીજો અને વોર્નર ત્રીજો બેટ્સમેન બન્યો હતો. આ પહેલા રાજસ્થાન રોયલ્સના સંજુ સેમસને હૈદરાબાદ સામે 102 રનની અણનમ ઈનિંગ રમી હતી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

વોર્નરની આક્રમક રમત

વોર્નરે આક્રમક રમત બતાવતા ટીમને બે વિકેટ પર 231 રનના સ્કોર સુધી પહોંચાડી હતી. આ આઈપીએલમાં સનરાઈઝર્સનો સૌથી મોટો સ્કોર છે. બેયરસ્ટો આઈપીએલમાં સેન્ચ્યુરી લગાવનાર ત્રીજો ઈંગ્લેન્ડનો બેટ્સમેન બન્યો છે. આ પહેલા કેવિન પીટરસન (103 દિલ્હી ડેયરડેવિલ્સ, 2012) અને બેન સ્ટોક (103, રાઈઝિંગ પુણે સુપરજાયન્ટ્સ, 2017માં) આઈપીએલમાં સદી ફટકારી ચૂક્યા છે.

IPLમાં વોર્નરની ચોથી સદી

આઈપીએલમાં બેંગલોર સામે કોઈપણ ટીમ દ્વારા આ બીજો સર્વોચ્ચ સ્કોર છે. આ પહેલા કિંગ્સ ઈલેવન પંજાબે ધર્મશાલામાં 2011માં બેંગ્લોર સામે બે વિકેટ પર 232 રન બનાવ્યાં હતાં. આઈપીએલમાં વોર્નરની આ ચોથી સદી છે. તેણે 55 બોલમાં પાંચ ચોગ્ગા અને પાંચ સિક્સર લગાવી હતી. આઈપીએલમાં આ ત્રીજી વાર છે જ્યારે એક જ ઈનિંગમાં બે બેટ્સમેનોએ સદી ફટકારી હોય. આ પહેલા બેંગલોરના વિરાટ કોહલી અને એબી ડીવિલિયર્સે 2016માં બેંગલુરુમાં ગુજરાત લાયન્સ સામે સદી ફટકારી હતી.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat https://ift.tt/2FEwn26