IPL: રાશિદની ફિરકીમાં ફસાયુ પંજાબ, હૈદરાબાદ સામે 45 રને પરાજય

વોર્નરના ધમાકેદાર 81 રન

હૈદરાબાદઃ આઈપીએલનો રોમાંચ ચરમસીમાએ પહોંચ્યો છે અને પ્લેઓફમાં પહોંચવાની આશા જીવંત રાખવા માટે દરેક ટીમ બરાબરનું જોર લગાવી રહી છે. આઈપીએલમાં આજે સનરાઈઝર્સ હૈદરાબાદ અને કિંગ્સ ઈલેવન પંજાબ વચ્ચે રાજીવ ગાંધી ઈન્ટરનેશનલ સ્ટેડિયમ હૈદરાબાદમાં મુકાબલો હતો. જે એકતરફી રહ્યો હતો. વોર્નરના ધમાકેદાર 81 રનની મદદથી હૈદરાબાદની ટીમે પંજાબને 213 રનનો ટાર્ગેટ આપ્યો હતો. જોકે, કિંગ્સ ઈલેવનના બેટ્સમેન ટાર્ગેટ ચેઝ કરવામાં નિષ્ફળ રહ્યાં હતાં અને 45 રને તેનો કારમો પરાજય થયો હતો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

રાશિદની ફીરકીમાં ફસાયુ પંજાબ

હૈદરાબાદ તરફથી ઓપનિંગ કરવા ઉતરેલા વોર્નર અને રિદ્ધિમાન સહાએ ટીમને મજબૂત શરુઆત અપાવી હતી. આ બન્નેએ તાબડતોબ 78 રનની પાર્ટનરશિપ કરી હતી. જેથી ટીમનો સ્કોર 212 સુધી પહોંચ્યો હતો. પંજાબ તરફથી મોહમ્મદ શમી અને અશ્વિને 2-2 વિકેટ ઝડપી હતી. આ પછી 213 રનનો ટાર્ગેટ ચેઝ કરવા ઉતરેલી પંજાબની ટીમના પ્લેયર્સ ખાસ દમ બતાવી શક્યા નહોતા અને એક પછી એક પેવેલિયન ભેગા થયા હતાં. રાશિદ અને અહેમદની બોલિંગ સામે પંજાબના બેટ્સમેનો ઘૂંટણિયે પડ્યા હતાં. આ બન્નેએ તરખાટ મચાવ્યો હતો અને 3-3 વિકેટ ઝડપી હતી.

કે.એલ.રાહુલની લડાયક ઈનિંગ

213 રનના તોતિંગ ટાર્ગેટને ચેઝ કરવા ઉતરેલી કિંગ્સ ઈલેવનની શરુઆત ખરાબ રહી હતી અને ગેઈલ માત્ર 4 જ રન બનાવીને પેવેલિયન પરત ફર્યો હતો. આ પછી બેટિંગ કરવા આવેલા મયંક અગ્રવાલે 18 બોલમાં 27 રન કરીને ટીમનો સ્કોર આગળ વધાર્યો હતો પરંતુ તે મોટો સ્કોર કરવામાં નિષ્ફળ રહ્યો હતો. જોકે, ઓપનિંગમાં આવેલા કે.એલ.રાહુલે એકબાજુથી છેડો સાચવીને રાખતા 56 બોલમાં લડાયક 79 રન બનાવ્યાં હતાં. કિંગ્સ ઈલેવન પંજાબના બેટ્સમેનોનું પ્રદર્શન ખાસ રહ્યું ન હતું અને અંતે તેમને પરાજયનો સામનો કરવો પડ્યો હતો.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2LdWBP6