IPLમાં આજે પંજાબ-દિલ્હીની ટક્કર, ગેઈલ અને પંત પર હશે બધાની નજર

દિલ્હી ટૉસ જીત્યો, પંજાબની પ્રથમ બેટિંગ

IPL12ની મેચ 13માં સોમવારે કિંગ્સ ઈલેવન પંજાબ અને દિલ્હી કેપિટલ્સની ટક્કર થશે. દિલ્હીના કેપ્ટન શ્રેયસ ઐયરે ટૉસ જીતી પંજાબને પ્રથમ બેટિંગ આપવાનો નિર્ણય લીધો છે. બંને ટીમો અત્યાર સુધી લીગમાં 3-3 મેચો રમી છે અને બંનેને 2 મેચોમાં જીત મળી છે. જ્યારે 1-1 મેચમાં પરાજય થયો છે. અત્યાર દિલ્હી રનરેટના હિસાબે પંજાબથી આગળ છે અને પોઈન્ટ ટેબલમાં ચોથા સ્થાને છે જ્યારે પંજાબની ટીમ પાંચમા સ્થાને છે. આજે એકતરફ પંજાબ પોતાના હોમગ્રાઉન્ડનો ફાયદો ઉઠાવી જીત મેળવવા માગશે તો બીજી બાજુ દિલ્હી પણ પંજાબને તેના જ ઘરમાં હરાવવાના ઈરાદા સાથે ઉતરશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

DCએ ગેઈલ, KXIPએ પંતથી બચવું પડશે

બંને ટીમોની તાકાતની વાત કરીએ તો પંજાબ પાસે કે એલ રાહુલ અને ક્રિસ ગેઈલ જેવા ઓપનર્સ છે. ડેવિડ મિલર અને મયંક અગ્રવાલ આક્રમક બેટિંગથી મેચ પલટવા સક્ષમ છે જ્યારે બોલિંગમાં કેપ્ટન અશ્વિન અને મોહમ્મદ શમી ટીમને મજબૂતી આપે છે. બીજી તરફ દિલ્હી પાસે શિખર ધવન અને પૃથ્વી શો ઓપનિંગ જોડી રૂપે છે. મિડલ ઑર્ડરમાં એકલા હાથે મેચ પલટી શકનારા કેપ્ટન શ્રેયસ ઐયર અને રિષભ પંત જેવા પ્લેયર છે જ્યારે બોલિંગમાં કગિસો રબાડા અને યુવા સંદીપ લાછીમાને છે.

દિલ્હી પર ભારે પડી છે પંજાબની ટીમ

બંને ટીમો વચ્ચે અત્યાર સુધી થયેલી ટક્કર પર નજર કરીએ તો તેમાં પંજાબ દિલ્હી પર ભારે પડી છે. આ ટીમો 22 વખત IPLમાં ટકરાઈ ચૂકી છે જેમાં પંજાબ 13 અને દિલ્હી 9 વખત વિજયી રહી છે. છેલ્લે 2018માં પણ પંજાબે 4 રનના ટૂંકા અંતરથી મેચ જીતી લીધી હતી. હવે આ વખતે કોણ કોના પર ભારે પડે છે તે જોવું રસપ્રદ રહેશે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat https://ift.tt/2VbkcQR