IPLમાં આજે વિરાટની સામે રહાણે, કોનું ખુલશે ખાતું

IPL12માં પ્રથમ જીત માટે ઉતરશે RR અને RCB

નવી દિલ્હી: IPL12ની 15મી મેચમાં રાજસ્થાને ટૉસ જીતી RCBને પ્રથમ બેટિંગ આપી છે. રાજસ્થાન રૉયલ્સ અને રૉયલ ચેલેન્જર્સ બેંગ્લોર, આ જ બે ટીમો છે જેમને હજુ સુધી IPLની આ સીઝનમાં એકપણ જીત મળી નથી. જોકે, આજે આ બંનેમાંથી કોઈ એક ટીમનું ખાતું ખુલી જશે, કારણ કે આજે બંનેની ટક્કર થવાની છે. રૉયલ્સની ટીમ નિર્ણયાક ક્ષણો પર વિરોધી ટીમ પર સકંજો કસવામાં નિષ્ફળ રહી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

જીતની નજીક આવીને હારી ગઈ રાજસ્થાન

ત્રણેય મેચોમાં સારી સ્થિતિમાં હોવા છતા રાજસ્થાન તેનો ફાયદો ઉઠાવી શકી નહીં અને ક્લોઝ મેચોમાં હારી ગઈ. બીજી તરફ RCBની ટીમ અત્યાર સુધી રમેલી ત્રણેય મેચોમાં વિરોધી ટીમને ટક્કર આપતી દેખાઈ નથી. આમ, આ મેચમાં રાજસ્થાનને તેના ઘરમાં હરાવવું વિરાટ કોહલીની ટીમ માટે સરળ રહેશે નહીં.

ફોર્મ મેળવવા ઝઝૂમી રહ્યાં છે RRના ખેલાડી

સવાઈ માનસિંહ સ્ટેડિયમમાં થયેલા ‘માંકડિંગ વિવાદ’ બાદ જોઝ બટલર પોતાનું ફોર્મ જાળવી શક્યો નથી, બીજી બાજુ રહાણે પણ પ્રભાવી રહ્યો નથી. બૉલ ટેમ્પરિંગને કારણે એક વર્ષનો પ્રતિબંધ લાગ્યા બાદ કમબેક કરનારો ઑસ્ટ્રેલિયાનો પૂર્વ કેપ્ટન સ્ટીવ સ્મિથ પણ લય મેળવવા સંઘર્ષ કરી રહ્યો છે. આ જ કારણે રાજસ્થાન ટીમમાં નંબર-3 અંગે શંકાની સ્થિતિ છે.

હારને ભૂલાવવા માગશે વિરાટ

બેંગ્લોરની વાત કરવામાં આવે તો વિરાટ કોહલીની કેપ્ટનશિપવાળી બેંગ્લોર હૈદરાબાદ સામે મળેલી કારમી હારને ભૂલાવવા માગશે. કોહલી અને એબી ડિ વિલિયર્સના હોવા છતા પણ ટીમ બેટિંગમાં કશું કરી શકી નથી. આ બંને ખેલાડીઓએ જવાબદારી સંભાળવી પડશે, તો જ ટીમનું ખાતું ખુલી શકે છે. પૉઈન્ટ ટેબલમાં આ બંને ટીમો છેલ્લા બે સ્થાને છે, રાજસ્થાન રનરેટની રીતે બેંગ્લોરથી ઉપર છે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat https://ift.tt/2HVxLBa