પંડ્યાની વિસ્ફોટક ઈનિંગ્સે મેચ પલટી, મુંબઈએ RCBને 5 વિકેટે પરાજય આપ્યો

પંડ્યાના આક્રમક 37*, RCBની 7મી હાર

હાર્દિક પંડ્યાની વિસ્ફોટક ઈનિંગ્સના આધારે મુંબઈ ઈન્ડિયન્સે વિરાટની રોયલ ચેલેન્જર્સ બેંગ્લોરને 5 વિકેટે હરાવી દીધી. RCBના 172 રનના ટાર્ગેટનો પીછો કરતા મુંબઈ ક્વિન્ટન ડી કૉકના 40 અને હાર્દિક પંડ્યાના અણનમ 37 રનની મદદથી 19 ઓવરમાં 5 વિકેટ ગુમાવી ટાર્ગેટ પાર કરી લીધો. આ જીત સાથે મુંબઈ પૉઈન્ટ્સ ટેબલમાં ત્રીજા સ્થાને પહોંચી ગયું છે જ્યારે 8માંથી 7 મેચ હારી બેંગ્લોર છેલ્લા સ્થાને છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

શાનદાર શરૂઆત બાદ ડગમગ્યું મુંબઈ

172 રનના ટાર્ગેટનો પીછો કરવા ઉતરેલી મુંબઈને કેપ્ટન રોહિત શર્મા (28) અને ક્વિન્ટન ડી કૉકે (40) શાનદાર શરૂઆત અપાવતા 7 ઓવરમાં 70 રનની ભાગીદારી નોંધાવી હતી. જોકે, બંને એક જ ઓવરમાં આઉટ થઈ ગયા બાદ મુંબઈની ગતિ ધીમી થઈ ગઈ હતી. સૂર્યકુમાર યાદવ (29) અને ઈશાન કિશન(21)એ ટીમને સંભાળવાનો પ્રયત્ન કર્યો હતો પણ નિર્ણાયક સમયે તેમની વિકેટો પડતા લાગ્યું કે, વિરાટની ટીમ આજે પણ વિજય મેળવી લેશ. પણ હાર્દિકે 16 બોલમાં તાબડતોબ 37* રનની ઈનિંગ રમી ટીમને એક ઓવર બાકી રહેતા જ જીત સુધી પહોંચાડી દીધી હતી.

ડિ વિલિયર્સના 75, RCBએ બનાવ્યા 171 રન

અગાઉ વાનખેડેના મેદાન પર યજમાન મુંબઈએ ટૉસ જીતી બેંગ્લોરને પ્રથમ બેટિંગ આપવાનો નિર્ણય લીધો હતો. કેપ્ટન વિરાટ કોહલી (8)ની વિકેટ જલ્દી ગુમાવ્યા બાદ એબી ડિ વિલિયર્સ અને પાર્થિવ પટેલ (28) અને બાદમાં ડિ વિલિયર્સ-મોઈન અલી(50)એ સારી ભાગીદારીઓ કરી ટીમને 171 રનના સ્કોર સુધી પહોંચાડી હતી. છેલ્લી ઓવરમાં ધડાધડ વિકેટો પડવાને કારણે RCB અંદાજિત ટાર્ગેટ કરતા 15-20 રન ઓછા બનાવી શકી હતી અને તેની અસર પરિણામ પર પડી હતી.

 

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2Gfkujr