મહિલા ઉમેદવારમાંથી કોણ છે RICHEST અને POOREST

કોણ છે RICHEST અને POOREST
અમદાવાદઃ કુલ સાત મહિલા ઉમેદવાર આ વખતે બંને મોટા પક્ષમાંથી ગુજરાત તરફથી લોકસભા ચૂંટણીના મેદાને છે. ભાજપે જુદા જુદા મતક્ષેત્રમાંથી છ મહિલાઓના નામ જાહેર કરી દીધા છે. જ્યારે કોંગ્રેસ તરફથી અત્યાર સુધીમાં માત્ર એક જ નામ જાહેર થયું છે. ગીતા રાઠવા અને ગીતા પટેલને બાદ કરતા તમામે પોતાના 2017-18ના ઈન્કમટેક્સ રિટર્ન ફાઈલ કરી દીધા છે. સાંસદ રંજન ભટ્ટે રુ.7.91 લાખનું અને દર્શના જરદોશે રુ.6.95 લાખનું રિટર્ન ફાઈલ કર્યું છે. રંજન ભટ્ટના પતિએ રુ.4.61 લાખ અને દર્શના જરદોશના પતિએ 2.84 લાખ રુપિયાનું રિટર્ન ફાઈલ કર્યું છે. ટૂંકના બંને ઉમેદવારોના પતિ કરતા તેમનું પોતાનું રિટર્ન વધારે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

કોની કેટલી સંપત્તિ?
ઉમેદવારોએ જાહેર કરેલી સંપત્તિની તુલના કરવામાં આવે તો પુનમ માડમ અને દર્શના જરદોશની સંપત્તિ તેમના પતિ કરતા પણ વધારે છે. સંપત્તિના મામલે પુનમ માડમ સૌરાષ્ટ્રમાંથી પ્રથમ ક્રમે છે. બીજી તરફ આ જ યાદીમાં શારદા પટેલ સૌથી વધુ ધનવાન છે. જેની કુલ સંપત્તિનો આંકડો રુ. 37.47 કરોડ છે. ત્યાર બાદ પુનમ માડમનો ક્રમ આવે છે, જેની કુલ સંપત્તિની રકમ 26.97 કરોડ રુપિયા છે. છોટા ઉદયપુરના ભાજપના ઉમેદવાર ગીતા રાઠવા સૌથી ગરીબ ઉમેદવાર છે. જેની કુલ સંપત્તિનું મુલ્ય માત્ર રુ.6 લાખ છે. જેમાં 150 ગ્રામ સોનું, 2 કિલો ચાંદી, બે ગાડી અને થોડી રોકડ રકમનો સમાવેશ થાય છે.

ઝવેરાત
ઝવેરાતના મામલે પુનમ માડમનું નામ સૌથી પહેલા ક્રમે છે. કુલ 5.55 કિલો સોનું તેમના પોતાના નામે છે જેની કુલ કિંમત 1.73 કરોડ છે. જ્યારે ડાયમંડ જ્વેલરીની વાત કરવામાં આવે તો 41.54 લાખ રુપિયાની હીરાજડીત જ્વેલરી છે. ત્યાર બાદ શરદા પટેલનો ક્રમ આવે છે જેની પાસે 2.23 કિલો સોનું છે. જેની કુલ કિંમત 69.41 કરોડ રુપિયા છે. જ્યારે 28.33 લાખની ડાયમંડ જ્વેલરી છે.

ક્યા ઉમેદવાર પાસે કઈ કાર?
luxurious કારની વાત કરવામાં આવે તો પૂનમ માડમ આ યાદીમાં ટોપ પર છે. તેમની પાસે પોતાની બે ટોયોટા ફોર્ચ્યુનર અને નિસાન ટેરંટો કાર છે. ત્યાર બાદ બીજા ક્રમે દર્શના જરદોશ છે. તેમની પાસે ઈનોવા ક્રિસ્ટા, ટોયોટા કેમ્રી અને Maruti SX-4 છે. આ સિવાય ભારતી શિયાળ પાસે પણ પોતાની બે ફોર વ્હિલર્સ છે. કોંગ્રેસના અમદાવાદ પૂર્વના ઉમેદવાર ગીતા પટેલ પાસે બજાજ ચેતક સ્કૂટર છે. જેની કિંમત રુ.2500 છે. જ્યારે કુલ સંપત્તિ 1.10 કરોડ રુપિયા છે. જ્યારે તેમના પતિ પાસે ઓડી, વર્ના અને ઈઓન કાર છે. ભારતી શિયાળના પતિ ધીરુભાઈ પાસે 1986નું સ્કૂટર છે.

 

from Page Array – I Am Gujarat http://bit.ly/2G9gLFj