ડીઝલ કાર્સ બંધ થશે તો મારુતિને ગુમાવવો પડશે SUVનો તાજ!

આવતા વર્ષથી બંધ કરશે ડીઝલ કાર્સ

કેતન ઠક્કર, મુંબઈઃ આવતા વર્ષે એપ્રિલથી ડીઝલ કાર્સ નહીં બનાવવાનો નિર્ણય મારુતિ માટે મોંઘો સાબિત થઈ શકે છે. ઓટો ઈન્ડસ્ટ્રીના જાણકાર લોકોનું માનવું છે કે કંપની હવે સબ-કોમ્પેક્ટ એસયુવીમાં લીડરશીપ પોઝિશન ગુમાવી શકે છે. આ સાથે જ કોમ્પેક્ટ સેડાન સેગમેન્ટમાં તેનો માર્કેટ શેર પણ ઘટી શકે છે. આ સેગમેન્ટમાં વિટારા બ્રેઝા અને ડિઝાયર માર્કેટ લીડર છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

વિટારા બ્રેઝાને સૌથી મોટો ઝટકો

સબ-કોમ્પેક્ટ એસયુવીમાં ચાર મીટર સુધીની લાંબી કાર્સ આવે છે. ભારતમાં વેચાતી 70 ટકા કાર્સમાં ડીઝલ એન્જિન હોય છે. હાલ વિટારા બ્રેઝા માત્ર ડીઝલ એન્જિન સાથે ઉપલબ્ધ છે. કંપની હવે પેટ્રોલ એન્જિન સાથે બ્રેઝા લાવવાનું વિચારી રહી છે. એક્સપર્ટ્સનું માનવું છે કે ડીઝલ એન્જિનનો વિકલ્પ ઉપલબ્ધ ન હોવાના કારણે સૌથી વધારે વેચાતા આ મોડલને ઝટકો લાગશે અને કઠીન પ્રતિસ્પર્ધા ધરાવતા સેગમેન્ટમાં વેચાણ ઘટી શકે છે. ડિઝાયર ટેક્સી ધારકોની પહેલી પસંદ છે કારણકે તેઓ ડીઝલ કાર્સને જ વધારે મહત્વ આપે છે. કારણકે ડીઝલ વાહનોની માઈલેજ વધારે હોય છે.

સૌથી વધુ ડીઝલ કાર્સનું વેચાણ

દેશમાં નાણાંકીય વર્ષ 2019માં આશરે 4.6 લાખ યુનિટ્સની એન્ટ્રી લેવલ સિડાન કાર્સ અને આશરે 3.5 લાખ યુનિટ્સ સબ-કોમ્પેક્ટ એસયુવીઝનું વેચાણ થયું હતું. જેમાં આશરે અડધી ડીઝલ એન્જિનની કાર્સ હતી. એટલે કે ગત વર્ષમાં વેચાયેલી આશરે ચાર લાખ સબ-કોમ્પેક્ટ એસયુવીઝ ડીઝલ એન્જિન ધરાવતી હતી.

બીએસ-VI નિયમના કારણે લેવાયો નિર્ણય

કંપનીએ ગત અઠવાડિયે કહ્યું હતું કે તે એપ્રિલ 2020થી ડીઝલ વાહનનું વેચાણ બંધ કરશે. જે સમયે બીએસ-VI નિયમ લાગુ થશે. કંપનીએ કહ્યું કે બીએસ-VI નિયમ અનુસાર નાના ડીઝલ એન્જિન બનાવવાનો ખર્ચ વધારે લાગશે. ડીઝલ કાર્સ અને એસયુવીની પ્રાઈસ પ્રીમિયમ 1થી 1.5 લાખ રુપિયા સુધી વધવાની શક્યતા છે. આવતા વર્ષે એપ્રિલથી ભારત સ્ટેજ -VI ઉત્સર્જન નિયમ લાગુ થવા પર આ વધારો 2થી 2.5 લાખ સુધી પહોંચી શકે છે.

સીમિત થઈ જશે વેચાણ

આ કારણોસર ડીઝલ કાર્સનું વેચાણ 1.5થી 2 લાખ યુનિટ્સ સુધી સીમિત રહી શકે છે. મારુતિ સુઝુકીને તે સમયે મોટો ઝટકો લાગી શકે છે. જોકે, મારુતિ સુઝુકીના એક્ઝિક્યુટિવ્સને ધરપત છે કે ડીઝલ એન્જિન કાર્સ હટાવી લીધા પછી પણ કંપની કાર બજારમાં દમદાર પ્રદર્શન કરતી રહેશે. હ્યુન્ડાઈ મોટર, મહિન્દ્રા એન્ડ મહિન્દ્રા અને ટાટા મોટર્સ જેવી પ્રતિસ્પર્ધી કંપનીઓએ પોતાની કેટલીક પ્રીમિયમ હેચબેક, કોમ્પેક્ટ સેડાન અને એસયુવી કાર્સના ડીઝલ એન્જિનને બીએસ-VI નિયમો અનુસાર અપગ્રેડ કરવાનો નિર્ણય કર્યો છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2GXyVJx