ટેસ્ટિંગ દરમિયાન સ્પોટ થઈ Hyundaiની નવી ક્રેટા, બદલાઈ ગયો છે લૂક

હ્યુંડાઈની ક્રેટા ટેસ્ટિંગ સમયે સામે આવી

નવી દિલ્હીઃ હ્યુંડાઈએ આ મહિનાની શરૂઆતમાં શાંધાઈ ઓટો શોમાં નેક્સ્ટ જનરેશન iX25 કોમ્પેક્ટ એસયૂવી પરથી પડદો ઉચક્યો હતો. ચીનમાં વેચાઈ રહેલી હ્યુંડાઈ iX25ને ભારત સહિતના ઘણા દેશોમાં Hyundai Creta નામથી વેચવામાં આવે છે. હવે કંપનીએ આ નવી એસયૂવીનું ટેસ્ટિંગ શરૂ કરી દીધું છે. ટેસ્ટિંગ દરમિયાન આ કેટલીક તસવીરો ઓનલાઈન લીક થઈ છે, જેનાથી નવી ક્રેટા (iX25)ની ઘણી ડિટેઈલ સામે આવી ગઈ છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

બદલાઈ ગયો છે લૂક

હ્યુંડાઈની નવી iX25 એસયૂવીમાં કેસ્કેડ ગ્રિલ આપેલી છે. જે ઘણા હદ સુધી કંપનીની 21મી મેએ લોન્ચ થનારી વેન્યૂ એસયૂવી જેવી છે. ગ્રિલ પર ક્રોમ ફિનિશ છે. એસયૂવીમાં સ્પ્લિટ હેડલેમ્પ ક્લસ્ટર અને L શેપમાં ડેટાઈમ રનિંગ ટાઈટ્સ છે. ફ્રંટ બમ્પરમાં ફોગ લેમ્પ્સ અને સિલ્વર સ્કિડ પ્લેટ છે. આ ઉપરાંત તેમાં બ્લેક કલરમાં A પિલર્સ અને ડ્યૂઅલ ટોન એલોય વ્હીલ્સ આપેલા છે.

રિયર લૂકમાં પણ ફેરફાર

રિયર લુકની વાત કરીએ તો નવી ક્રેટા એટલે કે iX25માં હેડલાઈટ્સની જેમ જ સ્પ્લિટ ટેલલાઈટ આપેલી છે. ટેલગેટ પર બ્લેક કલરની પટ્ટી છે. આ પટ્ટીની વચ્ચે હાઈમાઉન્ટેડ સ્ટોપ લેમ્પ છે. રિયર બમ્પર ડ્યૂઅલ ટોન કલરમાં છે, જેમાં રિફ્લેક્ટર્સ અને રિવર્સ લાઈટ્સ આપેલી છે.

ક્યારે લોન્ચ થઈ શકે?

ભારતીય માર્કેટમાં નેક્સ્ટ જનરેશન iX25ને પણ ક્રેટા નામથી જ ઉતારવાની સંભાવના છે. ભારતમાં તેને વર્ષ 2020માં લોન્ચ કરી શકાય. જોકે ભારતમાં નવી ક્રેટા નામથી આવનારી આ એસયૂવીમાં સ્ટાઈલિંગમાં થોડા ફેરફાર જોવા મળી શકે છે. માનવામાં આવી રહ્યું છે કે નવી ક્રેટા BS-VIવાળા 1.5 લીટર પેટ્રોલ અને ડીઝલ એન્જિન ઓપ્શનમાં આવશે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2V4FxPT