આવી છે હ્યુંડાઈની નવી કોમ્પેક્ટ SUV કાર, જાણો એન્જિનથી લઈ ફીચર્સ સુધીની વિશેષતા

હ્યુંડાઈની કોમ્પેક્ટ SUV કાર

નવી દિલ્હીઃ હ્યુંડાઈ પોતાની પહેલી કોમ્પેક્ટ SUV વેન્યૂથી 17 એપ્રિલે પડદો ઉઠાવશે. તેને ભારત અને ન્યૂયોર્કમાં એક સાથે રજૂ કરવામાં આવશે. હ્યુંડાઈ વેન્યૂ ભારતીય માર્કેટમાં મે મહિનાના બીજા અઠવાડિયામાં લોન્ચ થવાની છે. લોન્ચિંગ પહેલા જ કંપનીએ ડીલર્સને પોતાના સ્તર પર નવી એસયૂવી માટે બુકિંગ શરૂ કરાવી દીધું છે. વેન્યૂની બુકિંગ રકમ 50 હજાર રૂપિયા રાખવામાં આવી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

કેટલી હશે કિંમત?

હ્યુંડાઈ વેન્યૂ કોમ્પેક્ટ એસયૂવી સેગમેન્ટમાં આવશે, જે ભારતીય બજારમાં જબરજસ્ત પ્રતિસ્પર્ધી સેગમેન્ટ છે. માર્કેટમાં આ કારની ટક્કર મહિન્દ્રા એક્સયૂવી 300, ફોર્ડ ઈકોસ્પોર્ટ, મારુતિ વિટારા બ્રેજા અને ટાટા નેક્સોન જેવી એસયૂવી સાથે હશે. આ કારની એક્સ શોરૂમ કિંમત 8થી 12 લાખ રૂપિયા વચ્ચે રહેવાની સંભાવના છે.

ખાસ કનેક્ટિવિટી ટેકનોલોજી

વેન્યૂ ભારતમાં હ્યુંડાઈની પહેલી કાર હશે, જે કંપનીના ખાસ કનેક્ટિવિટી ટેકનોલોજી ‘બ્લ્યૂ લિંક’ સાથે આવશે. બ્લ્યૂ લિંક ટેકનોલોજીમાં 33 ફીચર્સ મળશે. તેમાંથી 10 ફીચર્સ ખાસ કરીને ભારતીય માર્કેટમાં શામેલ કરાયા છે. આ કનેક્ટિવિટી ટેકનોલોજીમાં AI આધારિત વોઈસ કમાન્ડ, લોકેશન આધારિત સર્વિસ અને એન્જિન, એસી તથા દરવાજાનો ઉપયોગ કરવા માટે રિમોટ ફંક્શન સહિત અન્ય સેફ્ટી અને સિક્યોરિટી ફીચર્સ મળશે.

સેફ્ટી

હ્યુંડાઈ વેન્યૂના બધા વેરિયન્ટમાં ડ્યૂઅલ ફ્રંટ એરબેગ્સ, એબીએસ, સીટ બેલ્ટ રિમાઈન્ડર અને રિયર પાર્કિંગ સેન્સર્સ જેવા બેઝિક સેફ્ટી ફીચર્સ મળશે. ટોપ વેરિયન્ટમાં સનરૂફ, વેન્ટિલેટેડ ફ્રંટ સીટ્સ, ક્લાઈમેટ કંટ્રોલ સિસ્ટમ, 8 ઈંચ ટચસ્ક્રીન ઈન્ફોટેનમેન્ટ સિસ્ટમ જેવા ફીચર્સ હશે. ટચસ્ક્રીન સિસ્ટમ એન્ડ્રોઈડ ઓટો અને એપલ કારપ્લે સપોર્ટ સાથે આવશે.

લૂક

ડિઝાઈનની વાત કરીએ તો કંપની તરફથી રજૂ કરાયેલા ટીઝર, સ્કેચ અને લીક થયેલી તસવીરોથી આ સ્પષ્ટ થઈ ગયું છે કે વેન્યૂની ડિઝાઈન હ્યુંડાઈની ઈન્ટરનેશનલ માર્કેટમાં ઉપલબ્ધ કેટલીક એસયૂવીથી પ્રેરિત છે. તેમાં આપેલી નવી કેસકેડિંગ ગ્રિલ અને સ્પ્લિટ ડીઆરએલ-હેડલાઈટ સેટઅપ હ્યુંડાઈ કોના એસયૂવીમાંથી લેવાઈ છે. વેન્યૂના સાઈડ લૂકને ક્રેટા જેમ દેખાય છે.

એન્જિન

હ્યુંડાઈ વેન્યૂમાં નવા 100hp પાવરવાળું 1.0 લીટર ટર્બો પેટ્રોલ એન્જિન મળશે, જે 7-સ્પીડ ડ્યૂલ ક્લચ ઓટોમેટિક ગિયરબોક્સ હશે. આ ઉપરાંત તેમાં બે અન્ય એન્જિન 100hp પાવરવાળું, 1.4 લીટર પેટ્રોલ એન્જિન અને 90hpના પાવરવાળું 1.4 લીટર ડીઝલ એન્જિન હશે. આ બંને એન્જિન 6-સ્પીડ મેન્યુઅલ ટ્રાન્સમિશનથી લેશ હશે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2V2wQoq