આઈટી સેક્ટરમાં અઢળક તકો, TCS-ઈન્ફોસિસમાં 300% વધ્યું હાયરિંગ

ટીસીએસ અને ઈન્ફોસિસ, હાયરિંગમાં 300% વધારો

રિક્રૂટમેન્ટ મામલે ગત કેટલાક વર્ષ ભારતીય આઈટી સેક્ટર માટે સારા નથી રહ્યાં. જોકે, હવે સ્થિતિ ઝડપથી બદલી રહી છે. ફોર્ચ્યૂન મેગેઝિન અનુસાર, ટીસીએસ અને ઈન્ફોસિસ જેવી મોટી કંપનીઓ ઝડપથી હવે હાઈરિંગ કરી રહી છે. બન્ને કંપનીઓએ ગત નાણાંકિય વર્ષમાં હજારો નવી નોકરીઓ આપી છે. ગત વર્ષની સરખામણીમાં હાયરિંગમાં 300%નો વધારો થયો છે. આવો જાણીએ…

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ટીસીએસમાં બમ્પર હાયરિંગ

31 માર્ચ 2019ના રોજ સમાપ્ત થયેલા નાણાંકિય વર્ષમાં ટાટા કન્સલ્ટન્સી સર્વિસે 29,287 કર્મચારીઓને પોતાની ટીમમાં જોડ્યાં હતાં.

ઈન્ફોસિસમાં અઢળક તકો

ફોર્ચ્યૂન અનુસાર બેંગલુરુ બેઝ્ડ ભારતીય આઈટી કંપની ઈન્ફોસિસે 24,016 લોકોને નોકરી આપી છે.

આ કંપનીઓમાં લાખો કર્મચારી

ટીસીએસ પાસે હવે કુલ કર્મચારીઓની સંખ્યા 4.24 લાખ છે. ઈન્ફોસિસમાં 2.28 લાખ લોકોને રોજગારી મળી છે.

2017-18માં હતો ખરાબ સમય

2017-18માં બન્ને કંપનીઓએ સંયુક્ત રીતે કુલ 11,000 પ્રોફેશનલ્સનું હાયરિંગ કર્યું હતું. ટીસીએસે 2017-18માં 7,775 કરમચારીઓને નોકરી પર રાખ્યાં હતાં. જ્યારે આ વર્ષે ત્રણ ગણા પ્રોફેશનલ્સને હાયર કર્યાં છે.

ઈન્ફોસિસમાં 6 ગણું વધારે હાયરિંગ

ઈન્ફોસિસે ગત વર્ષની સરખામણીમાં 6 ગણા વધારે પ્રોફેશનલ્સને નોકરી આપી છે. નાણાંકિય વર્ષ 2018માં ઈન્ફોસિસે માત્ર 3,743 લોકોને હાયર કર્યા છે.

ફેશર્સ માટે પણ ઉજળી તકો

ટોપ આઈટી કંપનીઓ ફ્રેશર્સને પણ તક આપી રહી છે. એન્ટ્રી લેવલ રિક્રૂટમેન્ટમાં 12.5 ટકાનો વધારો થયો છે.

આવા પ્રોફેશનલ્સની છે શોધ

આ બન્ને કંપનીઓ સ્પેશ્યિલ સ્કિલવાળા ટેક પ્રોફેશનલ્સને પોતાની સાથે જોડી રહ્યાં છે. આઈટી કંપનીઓને આર્ટિફિશ્યિલ ઈન્ટેલિજન્સ, બ્લોકચેઈન, એનાલિટીક્સ અને ડેટા માઈનિંગના સ્પેશ્યિલ પ્રોફેશનલ્સની શોધ છે.

from Page Array – I Am Gujarat http://bit.ly/2Zv6rPE