પણજી: સ્કૂલના શિક્ષકો બાળકોને મારતા હોવાના કિસ્સા અવાર-નવાર બહાર આવતા રહે છે. માસૂમ બાળકો પર હાથ ઉગામતા હવે કોઈ ક્રૂર શિક્ષક સોવાર વિચાર કરે તેવો ચુકાદો ગોવાની ચિલ્ડ્રન્સ કોર્ટે આપ્યો છે. કોર્ટે પ્રાયમરી સ્કૂલમાં ભણાવતી એક શિક્ષિકાને બે બાળકીને મારવા બદલ 1 દિવસની જેલ અને 1 લાખની સજા સંભળાવી છે. આ શિક્ષિકાએ પોતાના ક્લાસમાં ભણતી બે બહેનોને માર માર્યો હતો.
શિક્ષિકાના કોપનો ભોગ બનનારી બાળકીનો વાંક એટલો જ હતો કે તેણે પોતાની બહેનની વોટર બોટલમાંથી પાણી પી લીધું હતું. જેના પર શિક્ષિકાને ગુસ્સો આવી ગયો હતો. જેના પર બાળકીના પિતાએ શિક્ષિકા સામે ફરિયાદ નોંધાવી હતી. છેક માર્ચ 2014ના આ કેસમાં શિક્ષિકાએ બાળકીઓને ફુટપટ્ટીથી માર માર્યો હતો. ફરિયાદ પક્ષ કોર્ટમાં પોતાના આરોપ પ્રસ્થાપિત કરવામાં સફળ રહેતા કોર્ટે શિક્ષિકાને સજા સંભળાવી હતી.
ઈન્ડિયન પીનલ કોડની કલમ 324 હેઠળ શિક્ષિકાને દસ હજારનો દંડ પણ ફટકારાયો છે. જો તે દંડ નહીં ભરે તો તેને છ મહિનાની વધારાની કેદ ભોગવવી પડશે. ગોવા ચિલ્ડ્રન્સ એક્ટ સેક્શન 8(2) હેઠળ શિક્ષિકાને એક દિવસની સાદી કેદ અને 1 લાખનો દંડ કરાયો છે. જો તે એક લાખનો દંડ નહીં ભરે તો તેને 1 વર્ષ જેલમાં રહેવું પડશે. કોર્ટે આદેશ આપ્યો છે કે શિક્ષિકા દંડની જે રકમ ભરશે તેની બંને બાળકીઓના નામે એફડી કરવામાં આવે, અને તેઓ 18 વર્ષની થઈ જાય પછી આ રકમ તેમને મળશે.
from Page Array – I Am Gujarat http://bit.ly/2Y5YUW3
No comments:
Post a Comment