મુંબઈ: છેલ્લા એક અઠવાડિયામાં મુકેશ અંબાણીની માલિકીની રિલાયન્સ ઈન્ડસ્ટ્રીઝ લિમિટેડે 1 લાખ કરોડ રુપિયાનું વેલ્યુએશન ગુમાવ્યું છે. RILના શેરમાં બોલાયેલા જોરદાર કડાકાને કારણે કંપનીનો શેર 11 ટકા ઘટ્યો છે અને તેણે સૌથી વધુ બજાર મૂડી ધરાવતી દેશની ટોચની કંપની તરીકેનું સ્થાન પણ ગુમાવ્યું છે. ગુરુવારે રિલાયન્સને બદલે TCS સૌથી વધુ માર્કેટ કેપ ધરાવતી કંપની બની હતી.
હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો
એનાલિસ્ટોનું માનીએ તો વિદેશી ફંડો દ્વારા છેલ્લા ત્રણ દિવસથી કરાઈ રહેલી જંગી વેચવાલીને કારણે શેરબજારમાં કડાકો બોલાયો છે. સેન્સેક્સ અને નિફ્ટી 50માં સૌથી વધુ વેઈટેજ ધરાવતી રિલાયન્સને તેનું સૌથી વધુ નુક્સાન થયું છે. છેલ્લા ત્રણ દિવસમાં વિદેશી ફંડો દ્વારા 2500 કરોડ રુપિયાના શેર વેચવામાં આવ્યા છે.
શુક્રવારે રિલાયન્સનો શેર બે ટકા વધ્યો હતો, પરંતુ માર્કેટ બંધ થયું ત્યાં સુધીમાં આ વધારો 1,250ના ભાવ સાથે 0.4 ટકા સુધી સિમિત રહ્યો હતો. શુક્રવારે ટીસીએસનું માર્કેટ કેપ 8.01 લાખ કરોડ રુપિયા, જ્યારે રિલાયન્સનુ માર્કેટ કેપ 7.93 લાખ કરોડ રુપિયા હતું.
મોર્ગન સ્ટેન્લીએ પણ રિલાયન્સના શેરને ડાઉનગ્રેડ કરી ઈક્વલ-વેઈટની કેટેગરીમાં રાખ્યો છે. કંપનીની આવકમાં વધારો થવાનો દર ઘટશે તેવા અનુમાનને કારણે તેનું રેટિંગ પણ ઘટાડાયું છે. કંપની પર રહેલા દેવા ઉપરાંત, જિયો અને એરટેલ વચ્ચે રેવન્યુ ગ્રોથમાં રહેલું અંતર પણ ઘટી ગયું હોવાથી પણ રિલાયન્સના શેરમાં ઘટાડો થયો છે. રિલાયન્સે માર્ચમાં પૂરા થતાં ક્વાટરમાં 10,362 કરોડનો નેટ પ્રોફિટ નોંધાવ્યો હતો.
માર્કેટના એક્સપર્ટ્સનું માનીએ તો હાલ રિલાયન્સમાં પ્રોફિટ બુકિંગ થઈ રહ્યું છે, પરંતુ તેમાં આગામી દિવસોમાં સુધારો જોવા મળશે. જો શેર 1080-1100 રુપિયાના લેવલે આવે તો તેને ખરીદવાનો સારો મોકો છે. રુ. 1150ની કિંમતે પણ આ સ્ટોકને ખરીદવો યોગ્ય રહેશે તેમ HDFC સિક્યોરિટીઝના ટેકનિકલ રિસર્ચ એનાલિ્ટ નાગરાજ શેટ્ટીનું માનવું છે.
from Page Array – I Am Gujarat http://bit.ly/2WFVdWE
No comments:
Post a Comment