ગુફામાંથી મંદિરમાં કઈ રીતે આવ્યા બદ્રીનાથ, જાણો 10 રોચક વાત

સ્વયંભુ છે બદ્રિનાથની પ્રતિમા

ભગવાન બદ્રીનાથની મૂર્તિ અંગે કહેવામાં આવે છે કે તે સ્વયંભુ છે. દ્વાપર યુગમાં ભગવાન શ્રીકૃષ્ણનો અવતાર થયો ત્યાં સુધી અહીં ભગવાન વિષ્ણુ સાક્ષાત દર્શન આપતા હતા. ભગવાને અવતાર ધારણ કરતા પહેલા પોતાને મૂર્તિ સ્વરુપ પ્રગટ કર્યું માટે જ આ જે પણ આ મૂર્તિને સાક્ષાત વિષ્ણુ સ્વરુપ માનવામાં આવે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

આ રુપમાં છે ભગવાન વિષ્ણુ

ભગવાન બદ્રીનાથની મૂર્તિ શાલિગ્રામ પથ્થરોથી બનેલી છે. શાલિગ્રામ ભગવાન વિષ્ણુનું જ સ્વરુપ માનવામાં આવે છે જેને દેવી વૃંદાના શાપથી પથ્થરસ્વરુપ બનવું પડ્યું હતું.

આટલી લાંબી છે મૂર્તિ

બદ્રીનાથની મૂર્તિ 1 મીટર એટલે કે 3.3 ફૂટ લાંબી છે. હિંદૂ અને બૌદ્ધ ધર્મના સંઘર્ષ દરમિયાન આ મૂર્તિના રક્ષણ માટે તેને મંદિર નજીક આવેલ નારદ કુંડમાં છુપાવી દેવાઈ હતી.

આમણે મૂર્તિને ફરી કરી સ્થાપિત

8મી સદીમાં શંકરાચાર્યને નારદકુંડમાં મૂર્તિની પ્રાપ્તિ ફરી થઈ. તેમણે એક ગુફામાં મૂર્તિને સ્થાપિત કરી જોકે મૂર્તિ તરત જ ત્યાંથી અંતર્ધ્યાન થઈ ગહી હતી. જે બાદ સંત રામાનુજાચાર્યે આ મૂર્તિને ફરી સ્થાપિત કરાવી હતી.

ગુફાથી મંદિરમાં આવ્યા બદ્રીનાથ

16મી સદીમાં ગઢવાલ વિસ્તારના રાજાએ બદ્રીનાથ મંદિરનું નિર્માણ કરાવ્યું અને મૂર્તિને ગુફામાંથી મંદિરમાં સ્થાપિત કરી.

બદ્રીના વૃક્ષ નીચે છે ભગવાન

ભગવાન બદ્રીનાથની આ મૂર્તિને બદ્રીના ઝાડ નીચે એટલે કે બોરના ઝાડ નીચે સોનાના ચંદરવામાં સ્થાપિત કરવામાં આવી છે. ભગવાનની મૂર્તિ યોગમુદ્રામાં છે.

ચતુર્ભૂજ સ્વરુપ

ભગવાન બદ્રીનાથની આ મૂર્તિને ચાર હાથ છે. એક હાથમાં ચક્ર, એકમાં શંખ અને બે અન્ય હાથમાં તેમના ખોળામાં યોગ મુદ્રામાં સ્થિત છે.

મૂર્તિ પર જડ્યા છે હીરા

ભગવાન બદ્રીનાથની મૂર્તિમાં લલાટ ઉપર ખૂબ જ કિંમતી હીરો જડવામાં આવેલ છે.

એકાદશીનું પ્રાગટ્ય

પદ્મ પુરાણ મુજબ ભગવાન વિષ્ણુએ અહીં મુડ નામના રાક્ષસનો વધ કર્યો હતો. ભગવાનની માયાથી અહીં જ એકાદશી દેવીનું પણ પ્રાગટ્ય થયું હતું.

બ્રહ્માજીએ કરી હતી મૂર્તિની સ્થાપના

ભગવાન બદ્રીનાથની મૂર્તિના સંદર્ભમાં એક વાર્તા એવી પણ સાંભળવા મળે છે કે સતયુગના સમાપ્તિ સમયે સ્વયં બ્રહ્માજીએ ભગવાનની આ પ્રતિમાની સ્થાપના ગુફામાં કરી હતી. તેમજ કળીયુગના અંત સમયે નર અને નારાયણ પર્વતો એકબીજા સાથે મળી જશે ત્યારે બદ્રીનાથની પૂજા આદી બદ્રી મંદિરમાં કરવામાં આવશે.

from Page Array – I Am Gujarat http://bit.ly/2Hm1LmK