હીરોએ લૉન્ચ કર્યું પ્લેઝર પ્લસ 110, જાણો તેની કિંમત

જાણો પ્લેઝર પ્લસ 110ની કિંમત

નવી દિલ્હી: હીરો મોટોકૉર્પે સોમવારના રોજ Pleasure સ્કૂટર લૉન્ચ કર્યું. Hero Pleasure Plus 110ના નામથી બજારમાં લૉન્ચ કરવામાં આવેલું આ સ્કૂટર 2 વેરિયેન્ટ-શીટ મેટલ વીલ અને અલોય વીલ વેરિયન્ટમાં રજૂ કરવામાં આવ્યું છે. આ સ્કૂટરની કિંમત અનુક્રમે રૂપિયા 47,300 અને રૂપિયા 49,300 રાખવામાં આવી છે. આ કિંમત એક્સ શોરૂમની છે. આ સ્કૂટરના જૂના મૉડલની સરખામણીમાં નવા પ્લેઝર પ્લસની ડીઝાઇન સંપૂર્ણરીતે નવી છે. આ સ્કૂટરમાં પાવરફુલ એન્જિન પણ આપવામાં આવ્યું છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

જોવા મળશે યૂએસબી ચાર્જિંગ સોકેટ

નવા પ્લેઝર પ્લસની સરળ ડિઝાઈનથી સ્પષ્ટરીતે જોવા મળી રહ્યું છે કે આ વખતે પણ મહિલા ખરીદદારને ધ્યાનમાં રાખીને તે ડિઝાઈન કરવામાં આવ્યું છે. પ્લેઝર પ્લસમાં યૂએસબી ચાર્જિંગ સોકેટ પણ આપવામાં આવ્યું છે.

પાવર અને બ્રેકિંગ

હીરો પ્લેઝર પ્લસમાં 110.9ccનું સિંગલ-સિલિન્ડર એન્જિન આપવામાં આવ્યું છે કે જે 8.1hpનો પાવર અને 8.7Nm ટોર્ક જનરેટ કરે છે. નવા પ્લેઝરનું વજન 101 કિલોગ્રામ છે અને આ સ્કૂટરમાં ઈન્ટીગ્રેટેડ બ્રેકિંગ સિસ્ટમ (IBS) આપવામાં આવી છે.

શરૂ થઈ ગયું બુકિંગ

જૂના પ્લેઝરની સરખામણીમાં પ્લેઝર પ્લસની શરૂઆતની કિંમત લગભગ 2,200 રૂપિયા વધારે છે. કંપનીની ડીલરશિપ પર નવા સ્કૂટરનું બુકિંગ શરૂ કરી શકાય છે. આ મહિનાના અંત સુધીમાં આ સ્કૂટરની ડિલિવરી શરૂ થઈ જશે. તમને જણાવી દઈએ કે પ્લેઝર પ્લસ સિવાય હીરોએ આજે (સોમવાર) માએસ્ટ્રો એજ 125 સ્કૂટર પણ લૉન્ચ કર્યું છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2WG0GNf