ચૂંટણીના રિઝલ્ટ સુધી નિફ્ટી 11,550-11,810ની રેન્જમાં રહી શકે

69127936

દિનેશ ઠક્કર, CMD, ટ્રેડબુલ્સ સિક્યોરિટીઝ

રોકાણકારો 23 મેએ લોકસભાની ચૂંટણીના રિઝલ્ટની રાહ જોઈ રહ્યા હોવાથી બજારના બેન્ચમાર્ક સૂચકાંકો સાંકડી રેન્જમાં રહ્યા છે. બે મહિના સુધીના મજબૂત નાણાપ્રવાહ બાદ વિદેશી રોકાણપ્રવાહ ઘટ્યો છે, જ્યારે ઘરેલુ ફંડ્સે ઊંચી કેશ રાખી રહ્યા છે.

સામાન્ય રીતે મે અને જૂનમાં બજારમાં નિસ્તેજ કામકાજ થાય છે, કારણ કે વૈશ્વિક ફંડ મેનેજર્સ ઉનાળામાં વેકેશન માણતા હોય છે. જોકે ઘરેલુ મોરચે રોકાણકારો ચૂંટણીની સીઝનમાં પણ સક્રિય રહ્યા છે, કારણ કે સત્તાધારી પક્ષ 2014ની સરખામણીમાં નીચી બહુમતી સાથે સત્તામાં પરત આવે તેવી બજારમાં અપેક્ષા છે.

એનડીએ સરકારના વિજય અને નીતિમાં સાતત્યનું પરિબળ બજારમાં ડિસ્કાઉન્ટ થઈ ગયું છે. એવું લાગે છે કે વિપરીત રિઝલ્ટ ભાવમાં પણ ડિસ્કાઉન્ટ થયું નથી. જો ધારણાથી વિપરીત રિઝલ્ટ આવશે ટૂંકા ગાળામાં શેરના ભાવમાં હાલની અપમૂવ અટકી શકે છે. બજારમાં હાલમાં સત્તાધારી પક્ષની તરફેણમાં સેન્ટિમેન્ટ છે, તેથી વિપરીત રિઝલ્ટના કિસ્સામાં બજારનું વેલ્યુએશન ઊંચું છે, ત્યારે તીવ્ર નેગેટિવ મૂવમેન્ટને નકારી શકાય નહીં. બજારના ઊંચા વેલ્યુએશન ઉપરાંત વૈશ્વિક સ્તરે ક્રૂડ ઓઇલના ઊંચા ભાવથી સેકન્ડરી માર્કેટમાં ઋણખર્ચમાં પણ વધારો થયો છે.

વધુ ને વધુ કોર્પોરેટ ડેટનું ડાઉનગ્રેડ થઈ રહ્યું છે, તેથી આગામી મહિનાઓમાં લિક્વિડિટીની સ્થિતિ ફરી તંગ બની શકે છે. તેનાથી છેલ્લાં બે ટ્રેડિંગ સેશનમાં વ્યાજસંવેદી શેરોમાં ઘટાડો થયો છે. હાલની સ્થિતિ અને વેલ્યુએશનના સંદર્ભમાં ડાઉનસાઇડ સરપ્રાઇઝ કરતાં અપસાઇડ સરપ્રાઇઝની ઘણી જ નીચી સંભાવના છે.

વિદેશી પોર્ટફોલિયો રોકાણકારો અથવા એફપીઆઇ તેમની ફ્યુચર લોંગ પોઝિશનમાં વધારો કરી રહ્યા છે અને હેજિંગ 2018 પછી સૌથી નીચું છે. ઘરેલુ નાણાપ્રવાહની મજબૂતાઈથી એફપીઆઇને સરપ્રાઇઝ થયું છે અને તેનાથી તેઓ તાલ મિલાવી રહ્યા છે. ચૂંટણીને કારણે મોટા ભાગના નાણાપ્રવાહ આવ્યો હોવાની શક્યતા છે અને ચૂંટણીનું રિઝલ્ટ ધારણાથી વિપરીત આવે તો તેઓ અચાનક એક્ઝિટ કરી શકે છે. ડોલરમાં મજબૂતાઈ અને વ્યાજદરમાં વધારાથી તેમને એક્ઝિટ કરવાની ફરજ પડી શકે છે.

નિફ્ટી 2019માં વિકસિત બજારોના સૂચકાંકો અને MSCI (જાપાન સિવાય) ઊતરતો દેખાવ કરી રહ્યો છે અને નવી સરકારની રચના ન થાય ત્યાં સુધી આ ટ્રેન્ડ ચાલુ રહેવાની ધારણા છે. ચૂંટણીના રિઝલ્ટ બાદ પ્રારંભિક પ્રતિક્રિયા બાદ બજારમાં કોન્સોલિડેશન ચાલુ રહેવાની ધારણા છે, કારણ કે આગામી વર્ષનું બજેટ અર્થતંત્ર માટેનો રોડમેપ તૈયાર કરશે. આગામી ક્વાર્ટરમાં કયાં ક્ષેત્ર સારો દેખાવ કરશે તેનો પણ સંકેત મળશે.

નિફ્ટી 11,550ના મહત્ત્વના સપોર્ટ લેવલને જાળવી રાખવામાં અત્યાર સુધી સફળ થયો છે. તેનાથી તેજીવાળાને થોડી રાહત થઈ છે. ટેક્‌નિકલ દૃષ્ટિએ ચૂંટણીના રિઝલ્ટ સુધી ઇન્ડેક્સ 11,550 અને 11,810ની રેન્જમાં રહેવાની ધારણા છે.

તેજીના કિસ્સામાં 11,800 અને 11,810ના સ્તર પર નજર રાખવી જોઈએ, જે તેજીવાળા માટે મોટો અવરોધ પુરવાર થઈ રહ્યો છે. ભાવ ટકી રહે અને નિફ્ટી 11,810થી ઊંચે બંધ ન આવે ત્યાં સુધી અપસાઇડ માટે નવું મોમેન્ટમ ન આવવાની ધારણા છે. આગામી બે એક્સપાયરી માટે વીકલી એક્સપાયરીમાં ઓપન ઇન્ટરેસ્ટની જમાવટ સંકેત પણ આ રેન્જનો સંકેત આપે છે. 11,600 અને 11,50ની આ રેન્જ બેતરફી કોન્સોલિડેશન ચાલુ રહેવાની ધારણાને સપોર્ટ કરે છે.
હાલના તબક્કે નવું રોકાણ ટાળવું જોઈએ.

ચૂંટણીના રિઝલ્ટની નજીકના ગાળામાં વોલેટિલિટીમાં વધારો થશે. બજાર ઊંચા સ્તરે ટ્રેડ થઈ રહ્યું હોવાથી ફ્યુચર માર્કેટમાં ઓપન ઇન્ટરેસ્ટમાં ઘટાડો થઈ રહ્યો છે. તેથી ચૂંટણીના રિઝલ્ટ સુધી બજાર બેથી ત્રણ ટકાની રેન્જમાં ટ્રેડ થવાની ધારણા છે. નિફ્ટી 11,550 અને 11,780ની રેન્જમાં રહે ત્યાં સુધી આક્રમક પોઝિશન ન લેવા માટે ટ્રેડર્સને સલાહ છે.

from Page Array – I Am Gujarat http://bit.ly/2GUWOT0