પોલ રિઝલ્ટ અગાઉ નિફ્ટી 12,200ને પાર કરી શકે: એનાલિસ્ટ્સ

69424160

સનમ મીરચંદાની

મુંબઈ:ટ્રેડર્સ માને છે કે એક્ઝિટ પોલની અસર આગામી દિવસોમાં ચાલુ રહેશે અને ગુરુવારે લોકસભાની ચૂંટણીનાં પરિણામો જાહેર થાય ત્યાં સુધીમાં નિફ્ટી ત્રણ ટકા સુધી વધશે. બજારમાં 1.4 ટકાનો વધારો થાય તો પણ બેન્ચમાર્ક ઇન્ડેક્સ 12,000ની મનોવૈજ્ઞાનિક સપાટીને પાર કરી જશે.

સોમવારે કોલ ઓપ્શન્સમાં 12,200 અને 12,500ના કોલ સ્ટ્રાઇક પર ઓપન ઇન્ટરેસ્ટમાં મહત્તમ વધારો થયો હતો. એક્ઝિટ પોલમાં આગાહી કરવામાં આવી છે કે ભાજપની આગેવાની હેઠળ એનડીએ ફરીથી વિજય મેળવશે અને સત્તા સંભાળશે. ટ્રેડર્સ જ્યારે કોલ ઓપ્શન ખરીદે ત્યારે તેમની ધારણા હોય છે કે ઇન્ડેક્સ અથવા સ્ટોક્સ વધશે. સોમવારે નિફ્ટી 3.7 ટકા વધીને 11,828.25 બંધ આવ્યો હતો જે વિક્રમ ઊંચી સપાટી છે અને લગભગ છ વર્ષમાં સૌથી મોટો સિંગલ દિવસનો ઉછાળો નોંધાવ્યો હતો.

બીએનપી પારિબા ઓન્ડ શેરખાનના ફંડ મેનેજર-પીએમએસ રોહિત શ્રીવાસ્તવે જણાવ્યું હતું કે, “છેલ્લા બે દિવસમાં જે રોકાણ જોવા મળ્યું છે તેના પરથી લાગે છે કે માર્કેટ આ સ્તરે પહોંચી શકે છે. આગામી બે દિવસમાં બજાર 12,200 થઈ શકે છે.”

12,200ના કોલ ઓપ્શને ઓપન ઇન્ટરેસ્ટમાં 2.8 લાખ શેર્સ ઉમેર્યા હતા જ્યારે 12,500ની સ્ટ્રાઇકે ઓપન ઇન્ટરેસ્ટમાં 4.2 લાખ શેર્સ ઉમેર્યા હતા. કોલ ઓપ્શન્સમાં સૌથી ઊંચું ઓપન ઇન્ટરેસ્ટ ધરાવતા 12,000 સ્ટ્રાઇકે ઓપન ઇન્ટરેસ્ટમાં 2,01,600 શેર્સ ગુમાવ્યા હતા. શ્રીવાસ્તવે જણાવ્યું કે, “પરિણામની આશાએ બજાર વધી રહ્યું છે. વાસ્તવિક પરિણામોની જાહેરાત થાય ત્યાં સુધીમાં આ સમાચાર ડિસ્કાઉન્ટ થઈ જવા જોઈએ.”

મોતીલાલ ઓસ્વાલના ડેરિવેટિવ એનાલિસ્ટ ચંદન ટાપરિયાએ જણાવ્યું કે, “બજારની મજબૂતીના કારણે રોકાણકારોને ભરોસો છે કે ઇન્ડેક્સ 12,200-12,250ના સ્તર સુધી જશે.”30 એપ્રિલથી 13 મે વચ્ચે નિફ્ટીએ આઠ વર્ષમાં સૌથી ખરાબ દેખાવ કર્યો હતો અને સેન્સેક્સ સતત ઘટ્યો હતો. નિફ્ટીએ 14 મેએ 11,108ની નીચી સપાટી નોંધાવી હતી. પરંતુ એક્ઝિટ પોલ નજીક આવ્યો તેમ બજારમાં ફરી આત્મવિશ્વાસમાં સંચાર થયો હતો અને નિફ્ટી છેલ્લાં ત્રણ સત્રમાં છ ટકા વધ્યો છે.

આઇસીઆઇસીઆઇ ડાયરેક્ટ ખાતે ડેરિવેટિવ્ઝ હેડ અમિત ગુપ્તાએ જણાવ્યું કે, “12,000 કોલ ઓપ્શનમાં આ સિરીઝની શરૂઆતથી સૌથી વધુ ઓપન ઇન્ટરેસ્ટ છે પરંતુ હવે નિફ્ટી 12,000ની નજીક છે ત્યારે પોઝિશન હવે વધારે ઊંચી સપાટી 12,200 અને 12,500 તરફ શિફ્ટ થઈ છે.

એક્ઝિટ પોલ પછી નીચી વોલેટિલિટીથી પણ બજારના હિતધારકો આશાવાદી બન્યા છે.” ઇન્ડિયા વીઆઇએક્સ 19 ટકા ઘટીને 23.7 થયો છે જે 16 મેએ ચાર વર્ષની ઊંચી સપાટી 29.3 પર હતો. આઇસીઆઇસીઆઇ ડાયરેક્ટના ગુપ્તાના મતે અંતિમ રિઝલ્ટ આપ્યા પછી પ્રોફિટ બૂકિંગની શક્યતા નકારતા નથી.

ગુપ્તાએ કહ્યું કે, “નિફ્ટી માટે તાત્કાલિક ટાર્ગેટ 12,000 છે. અમને લાગે છે કે એક્ઝિટ પોલ ખોટા પડશે તો ગુરુવારે નફાવસૂલી થઈ શકે છે.”

from Page Array – I Am Gujarat http://bit.ly/2HvqN4b