અવંતિકાએ નામ પાછળથી હટાવી ઈમરાનની સરનેમ, ડિવોર્સ પર તેની મમ્મીએ કહ્યું…

ઈમરાન ખાનનું લગ્નજીવન ભંગાણના આરે

આમિર ખાનના ભાણિયા અને એક્ટર ઈમરાન ખાનના લગ્નજીવનમાં કશું જ બરાબર નથી. ઈમરાન ખાન અને પત્ની અવંતિકાના સંબંધોમાં તિરાડ પડી હોવાની ચર્ચા ચારેકોર થઈ રહી છે. રિપોર્ટ્સ મુજબ બંને વચ્ચે મતભેદો વધી ગયા છે. જો કે, બંને વચ્ચે વણસેલા સંબંધોને સુધારવા માટે પરિવાર પ્રયાસ કરી રહ્યો છે. ત્યારે અવંતિકાએ પોતાના નામની પાછળથી ખાન સરનેમ હટાવ્યા બાદ મામલો વધારે ગંભીર લાગે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ઈન્સ્ટાગ્રામ પર બદલ્યું નામ

રિપોર્ટ મુજબ, અવંતિકાએ ઈન્સ્ટાગ્રામ પર પોતાનું નામ અવંતિકા મલિક ખાન રાખ્યું હતું. હવે માત્ર અવંતિકા મલિક કરી નાખ્યું છે. નામ પાછળથી તેણે ખાન સરનેમ હટાવી દીધી છે. મતલબ કે ઈમરાન-અવંતિકાના સંબંધોમાં તિરાડ પડી હોવાની વાત સાચી હોય તેવું લાગે છે.

અવંતિકાની મમ્મીએ મૌન તોડ્યું

અવંતિકાની મમ્મીએ પણ આ વિશે મૌન તોડ્યું છે. એક ઈન્ટરવ્યૂમાં અવંતિકાની મમ્મીએ બંનેના ડિવોર્સની વાતને ખોટી ગણાવી છે. જો કે, તેમણે સ્વીકાર્યું કે, અવંતિકા અને ઈમરાન વચ્ચે મતભેદો છે, જેને દૂર કરવાનો પ્રયાસ થઈ રહ્યો છે.

2011માં થયા હતા ઈમરાન-અવંતિકાના લગ્ન

જણાવી દઈએ કે, મીડિયા રિપોર્ટ મુજબ ઈમરાન ખાન અને અવંતિકા મલિકનું લગ્નજીવન ભંગાણના આરે છે. અવંતિકાએ મુંબઈના પાલી હિલમાં આવેલું ઈમરાન ખાનનું ઘર છોડી દીધું છે. તે હાલ પોતાના પરિવાર સાથે રહે છે. ઈમરાન ખાને 8 વર્ષ સુધી અવંતિકાને ડેટ કર્યા બાદ 2011માં લગ્ન કર્યા હતા. લગ્નમાં આમિર ખાન, કિરણ રાવ સહિત બોલિવુડ સેલેબ્સ હાજર રહ્યા હતા.

2014માં દીકરીનો જન્મ થયો

2014માં અવંતિકાએ બેબી ગર્લને જન્મ આપ્યો. એક ઈન્ટરવ્યૂમાં ઈમરાન ખાને કહ્યું હતું કે, મારી દીકરી ઈમારા બેસ્ટ ગિફ્ટ છે જે મને અવંતિકાએ આપી છે.

from Page Array – I Am Gujarat http://bit.ly/2YJ87nn