અમદાવાદ: શહેરના ખાડિયા વિસ્તારમાં રહેતા અને બોડી બિલ્ડિંગના ક્ષેત્રે મોટું નામ બનાવનારા કિરણ ડાભીનું આજે સવારે આકસ્મિક મોત થયું છે. કિરણ ડાભી 17 વાર મિસ્ટર ગુજરાત અને સાત વાર ચેમ્પિયન ઓફ ચેમ્પિયન્સ રહી ચૂક્યા છે. 2014માં તેમણે મિસ્ટર ઈન્ડિયા કોમ્પિટિશનમાં પણ ગોલ્ડ મેડલ જીત્યો હતો.
હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો
ગુજરાતમાંથી બોડી બિલ્ડિંગ ક્ષેત્રે આગળ વધેલા કેટલાય લોકોને કિરણ ડાભીએ કોચિંગ પણ પૂરું પાડ્યું હતું. યુવાવયે જ કિરણનું મોત થતાં સમગ્ર ગુજરાતના પહેલવાનો અને બોડી બિલ્ડરોમાં શોકનું મોજું ફરી વળ્યું છે.
કિરણ ડાભીએ સ્પેનમાં યોજાયેલી ઈન્ટરનેશનલ બોડી બિલ્ડિંગ ચેમ્પિયનશિપમાં પણ ભાગ લીધો હતો. ગુજરાતનું નામ આંતરરાષ્ટ્રીય સ્તરે રોશન કરનારા તેઓ એકમાત્ર ગુજરાતી બોડી બિલ્ડર હતા. અનેક પડાકરો તેમજ આર્થિક સંકડામણ વચ્ચે પણ પોતાની ધગશથી કિરણે બોડી બિલ્ડિંગના ક્ષેત્રે નામ બનાવ્યું હતું.
અખાડા પદ્ધતિથી કસરત કરતા કિરણ ડાભીએ ખાડિયા વિસ્તાર તેમજ અનેક યુવાનોને બોડી બિલ્ડિંગ માટે પ્રેરણા આપી હતી. તેમણે 14 વર્ષની ઉંમરથી જ બોડી બિલ્ડિંગ ક્ષેત્રે નામ બનાવવાનું નક્કી કર્યું હતું. કિરણની હંમેશા ફરિયાદ રહી હતી કે સરકાર દ્વારા તેને કોઈ પ્રકારની મદદ કરવામાં નથી આવતી. તેઓ સ્પેનમાં ઈન્ટરનેશનલ ચેમ્પિયનશીપમાં ભાગ લેવા પણ મિત્રોની મદદથી જ ગયા હતા.
from Page Array – I Am Gujarat http://bit.ly/2YLaDcL
No comments:
Post a Comment