અમદાવાદઃ સોસાયટીમાં નિશ્ચિત સંખ્યા કરતા ઓછા વૃક્ષ હશે તો થશે 1 લાખનો દંડ 👍

સોસાયટીઓનું ઈન્સ્પેક્શન થશેઃ

અમદાવાદઃ બિલ્ડિંગ યુઝ પરમિશન લેતી વખતે સોસાયટીએ જેટલા વૃક્ષોની સંખ્યા દર્શાવી હોય જો તેના કરતા હાલમાં સોસાયટીમાં ઓછા વૃક્ષ હશે તો દરેક ઓછા વૃક્ષ દીઠ સોસાયટીને 50 હજારથી 1 લાખ સુધીનો દંડ ફટકારવાની વિચારણા ચાલી રહી છે. આ નિયમ કોમર્શિયલ બિલ્ડિંગને પણ લાગુ પડાશે. 30 એપ્રિલના રોજ અમદાવાદ મ્યુનિસિપલ કોર્પોરેશનની TDO ઑફિસે બધી જ ઝોનલ ઑફિસને ઈન્સ્પેક્શન શરૂ કરવા સરક્યુલર મોકલાવ્યો હતો. AMC હવે 3500 જેટલી રહેણાંક અને કોમર્શિયલ સોસાયટીનું ઈન્સ્પેક્શન કરશે. આમાં 2016થી 2019 વચ્ચે બંધાયેલી સોસાયટીઓનો સમાવેશ થાય છે. ટાઉન પ્લાનિંગ રેકોર્ડ અનુસાર સોસાયટીમાં વૃક્ષોની જેટલી સંખ્યા દર્શાવી હશે તેના કરતા ઈન્સ્પેક્શન સમયે વૃક્ષની સંખ્યા ઓછી હશે તો સોસાયટીએ ભારે દંડ ભરવો પડશે. આવી સોસાયટીઓએ કોર્પોરેશન તરફથી શો કોઝ નોટિસ અને દંડ માટે તૈયાર રહેવું પડશે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

સરક્યુલર મોકલાવ્યોઃ

આ સરક્યુલર ટાઉન પ્લાનિંગ સ્કીમના DyMC જે.એસ પ્રજાપતિએ બધી જ ઝોનલ ઑફિસોને આ સરક્યુલર મોકલાવ્યો હતો. સોસાયટીએ કોર્પોરેશનને વૃક્ષોની વાવણીના ફોટા મોકલવા પડશે. આ ફોટા રેકોર્ડ તરીકે સચવાશે. તેના આધારે નોટિસો મોકલવામાં આવશે. જો કોર્પોરેશન આ નવા નિયમને ગંભીરતાથી અમલમાં મૂકે તો તે શહેરની સિકલ બદલી નાંખી શકે છે. ખાસ કરીને શહેરને પોલ્યુશન અને આકરા તાપથી રાહત મળી શકે તેમ છે.

ગરમી અને પ્રદૂષણમાંથી મળશે છૂટકારોઃ

ઉલ્લેખનીય છે કે 2016માં ‘ધ નેચર કન્ઝર્વન્સી રિપોર્ટ’માં અમદાવાદને એવા 10 શહેરોમાં સ્થાન આપવામાં આવ્યું હતું જેમણે પોતાની વસ્તીને બચાવવા માટે વૃક્ષોની વાવણી પાછળ ખાસ ઈન્વેસ્ટમેન્ટ કરવાની જરૂર છે.

from Page Array – I Am Gujarat http://bit.ly/30klZGt