ભારતની મેડિકલ ક્ષેત્રમાં ખાસ સિદ્ધિ
નવી દિલ્હીઃ 4 હજારથી 10 હજાર રૂપિયામાં થનારા હીમોફીલિયાની તપાસ હવે માત્ર 50 રૂપિયાથી પણ ઓછા ખર્ચમાં થઈ જશે. હીમોફીલિયા-એ અને લોહી સાથે જોડાયેલી અન્ય બીમારીઓની તપાસ માટે ભારતમાં દુનિયાની સૌથી સસ્તી અને પહેલીવાર રેપિડ ડાયગ્નોસ્ટિક કિટ તૈયાર કરાઈ છે. ઈન્ડિયન કાઉન્સિલ ઓફ મેડિકલ રિસર્ચ (ICMR)એ આ કિટ તૈયાર કરી છે અને તેની પેટન્ટ પણ મેળવી લેવામાં આવી છે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
સ્પેશિયલ પેપરથી બની છે ખાસ ટેસ્ટ કિટ
સ્પેશિયલ પેપરથી બનેલી આ કિટના ઉપયોગ માટે કોઈ સ્પેશ્યાલિસ્ટ કે ઈન્ફ્રાસ્ટ્રક્ચરની જરૂર નહીં પડે. દેશના કોઈપણ પ્રાઈમરી હેલ્થ કેર સેન્ટરમાં હીમોફીલિયાની તપાસ હવે શક્ય થઈ જશે. લોહીના ટીપાં પેપર પર નાખવાથી હવે 10 મિનિટમાં રિઝલ્ટ મળી જશે. એક અનુમાન મુજબ દેશમાં હીમોફીલિયાથી પીડિત દર્દીઓની સંખ્યા 1 લાખથી વધારે છે.
આ બીમારીમાં લોહી જામતું નથી
જણાવી દઈએ કે હીમોફિલીયા એક એવી બીમારી છે, જેમાં લોહી જામતું નથી. આ બીમારીથી પીડિત વ્યક્તિનું બ્લીડિંગ બંધ નથી થતું. સામાન્ય રીતે શરીરના કોઈ ભાગમાં ચીરો પડે તો થોડી જ વારમાં બ્લ્ડ જામી જાય છે, જેનાથી બ્લીડિંગ અટકી જાય છે. હીમોફીલિયા પીડિત લોકોમાં બ્લીડિંગ બંધ નથી થતું આથી આ બીમારીની જાણ થવી જરૂરી છે. ઘણીવાર લોકોને પણ ખબર નથી હોતી અને તેઓ તેનો શિકાર બની જાય છે.
હીમોફીલિયાના લક્ષણો
શરીરમાં વાદળી નિશાન બનવા, નાકમાંથી લોહી નીકળવું, આંખની અંદર લોહી નીકળવું અને સાંધામાં સોજો આવી જવો વગેરે આ બીમારીના સામાન્ય લક્ષણો છે.
from Page Array – I Am Gujarat http://bit.ly/2Vv2OpA
No comments:
Post a Comment