‘કસૌટી ઝિંદગી કી 2’માં મિ.બજાજના પાત્રને સારી રીતે ભજવી શકે છે આ 6 એક્ટર

મિ. બજાજની શોધમાં એક્તા કપૂર

કસૌટી ઝિંદગી કી 2માં ટૂંક સમયમાં જ કોમોલિકાનો પર્દાફાશ થશે અને ફરી પ્રેરણા અને અનુરાગ એકબીજાના થવાના છે. પરંતુ આ વાર્તામાં મિસ્ટર બજાજના નામનો હવે ટ્વિસ્ટ આવશે. શોમાં ટૂંક સમયમાં જ મિસ્ટર બજાજની એન્ટ્રી થશે. આ રોલ માટે ફાઈનલ ટેગ કોને મળશે તે વાતનો ખુલાસો હજુ સુધી થયો નથી. તો હવે અમે તમને કેટલાક એવા એક્ટરના નામ જણાવીશું જે સરળાથી મિસ્ટર બજાજનું પાત્ર ભજવી શકે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

વરુણ સોબતી

આ સીરિયલની શરૂઆત થઈ તે પહેલાથી જ મિસ્ટર બજાજના રોલ માટે વરુણ સોબતીનું નામ સામે આવી રહ્યું છે. એટલા માટે શોની ડાયરેક્ટર એક્તા કપૂર તેને અપ્રોચ કરે તેવી શક્યતા છે. વરુણ સોબતી આ પહેલા સ્ટાર પ્લસની પોપ્યુલર ટીવી સીરિયલ ‘ઈસ પ્યાર કો ક્યા નામ દૂ’માં કામ કરી ચૂક્યો છે.

એઝાઝ ખાન

શોમાં મિસ્ટર બજાજના પાત્ર માટે એઝાઝ ખાનનું નામ પણ ટોપ પર છે. પહેલા એવા પણ સમાચાર હતા કે એક્તા કપૂરે આ રોલ માટે એક્ટરને કાસ્ટ કરી લીધો છે. જો કે શોની ટીમ તરફથી હજુ સુધી કોઈ ઔપચારિક જાહેરાત કરાઈ નથી. આ પહેલા તે બાલાજી ટેલિફિલ્મની સીરિયલ કાવ્યાંજલિનો ભાગ રહી ચૂક્યો છે.

નકુલ મહેતા

નકુલ મહેતા હાલ વેકેશન મોડ પર છે, તેવામાં બની શકે કે તેના ફેન્સને એક્તા કપૂર ગુડ ન્યૂઝ આપે. નકુલ છેલ્લે સ્ટાર પ્લસની સીરિયલ ‘ઈશ્કબાઝ’, ‘પ્યાર કા દર્દ હૈ’માં જોવા મળ્યો હતો.

કુશાલ ટંડન

કુશાલ ટંડન પાસે હાલ કોઈ પ્રોજેક્ટ નથી અને તેના ફેન્સ પણ હવે તેને પડદા પર જોવા માટે આતુરતાથી રાહ જોઈ રહ્યા છે. કુશાલ ટંડન છેલ્લે બિગ બોસમાં જોવા મળ્યો હતો, જ્યાં બિગ બોસ હાઉસમાં જ તેની અને ગૌહર ખાન વચ્ચે અફેર ચાલું થયું હતું.

વિવેક દહીયા

એક્ટ્રેસ દિવ્યાંકા ત્રિપાઠીનો પતિ અને એક્ટર વિવેક દહીયા છેલ્લે એક્તા કપૂરની સીરિયલ ‘કયામત કી રાત’માં પણ જોવા મળ્યો હતો. તેવામાં બની શકે કે એક્તા તેને બીજીવાર તક આપે.

હિતેન તેજવાની

બિગ બોસમાંથી બહાર આવ્યા બાદ હિતેન ફિલ્મ કલંકની સાથે-સાથે એક વેબ સીરિઝમાં પણ જોવા મળ્યો. કેટલાક દિવસ પહેલા એવા સમાચાર હતા કે મિસ્ટર બજાજના રોલ માટે હિતેનને એપ્રોચ કરાયો છે. આ સમાચારનું ખંડન કરતા એક્ટરે કહ્યું હતું કે તેની પાસે હજુ સુધી કોઈ એવી ઓફર આવી નથી, પરંતુ જો તેમ થાય છે તો તે ખુશ થશે.

from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat http://bit.ly/2H8XK50