આર્થિક સાપ્તાહિક રાશિફળ
સારું જીવન કોને કહેશો? બે ટંકનું ભોજન, રહેવા માટે ઘર અને સુખી પરિવાર. પોતાના ઘર-પરિવારને સુખી રાખવા માટે રૂપિયાની જરૂર પડે છે. બાળકોનું શિક્ષણ હોય કે દવા-જમવાનો ખર્ચો રૂપિયા તો જોઈએ. ઘણી વખત એવું થાય છે કે તમે અથાક મહેનત કરો તેમ છતાં ઘણીવાર તે રૂપિયા જરૂરિયાતો પૂરી કરવા ઓછા પડે છે. દરેકની નાણાાંકીય સ્થિતિ એકસમાન હોતી નથી અને કાયમ એક સરખી રહેતી પણ નથી. તમારી આર્થિક સ્થિતિ ઓછાવત્તા અંશે રાશિ અને ગ્રહોની અસર હેઠળ હોય છે. ત્યારે જાણી લો કે આ અઠવાડિયે રાશિ પ્રમાણે આર્થિક સ્થિતિ કેવી રહેશે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
મેષ
આ અઠવાડિયે કરેલી યાત્રા દ્વારા શુભ સંકેત મળશે. પરિવારમાં જશ્નનો માહોલ રહેશે તેમ છતાં તમે થોડી વધુ ખુશીની ઝંખના રાખશો. કાર્યક્ષેત્રે સ્થિતિ તમારા કંટ્રોલમાં નહીં રહે પરંતુ ગભરાવ નહીં અને કોઈ આડાઅવળા રસ્તા ના શોધો. આર્થિક વ્યય વધારે રહેશે અને કોઈ પિતૃતુલ્ય વ્યક્તિ પાછળ ખર્ચો થશે.
વૃષભ
મહિલા વર્ગના સપોર્ટથી આર્થિક સ્થિતિ વધારે સારી થશે. પ્રેમ સંબંધમાં ઉતાર-ચઢાવ આવશે પણ અંતે ઘીના ઠામમાં ઘી ઠરશે. પરિવારમાં ભાવનાત્મક મતભેદો ઊભા થઈ શકે છે, જેના કારણે સ્વાસ્થ્ય પર વિપરીત અસર પડી શકે છે. કાર્યક્ષેત્રની શરૂઆતમાં થોડી મૂંઝવણ ઊભી થઈ શકે છે એટલે હાલ મહત્વના નિર્ણયો લેવાનું ટાળવું.
મિથુન
કાર્યક્ષેત્રમાં ઉન્નતિ થશે તેમજ જીવનમાં સફળતા મળશે. યાત્રા માટે સમય શુભ રહેશે. નોકરિયાત વર્ગને પ્રમોશન કે ટ્રાન્સફર મળી શકે છે. સંબંધોની નવી શરૂઆત થતી જોવા મળી રહી છે. દાન-પુણ્ય કરશો તો આર્થિક પ્રગતિ થશે. પરિવારમાં સંતાનોને લઈને ચિંતા થઈ શકે છે.
કર્ક
આર્થિક સુખ-સમૃદ્ધિના શુભ સંયોગ આ અઠવાડિયે બનશે અને રોકાણથી ફાયદો થશે. આ અઠવાડિયે ધન સંબંધિત યાત્રાઓમાં ફાયદો થશે. પરિવારમાં ઉજવણીનો માહોલ રહેશે અને પરિવારના સાંનિધ્યમાં સુખદ અનુભવ થશે. કાર્યક્ષેત્રે પણ ઉન્નતિકારક સ્થિતિ ઊભી થઈ રહી છે. સ્વાસ્થ્ય તરફ થોડું ધ્યાન આપવાની જરૂર છે.
સિંહ
કાર્યક્ષેત્રે ઉન્નતિ થશે તેમજ નવા પ્રોજેક્ટ ફાયદો કરાવશે. આર્થિક સમૃદ્ધિના સંયોગ બની રહ્યા છે. આ અઠવાડિયે કરેલી યાત્રાથી સફળતા મળશે. પરિવારમાં કોઈ મહિલાને લઈને ચિંતા ઊભી થઈ શકે છે. પ્રેમ સંબંધ રોમાન્ટિક રહેશે. પાર્ટનરના સાંનિધ્યમાં સુખ મળશે.
કન્યા
કાર્યક્ષેત્રે ઉન્નતિ થશે તેમજ કેટલાક નવા પ્રોજેક્ટ તમારા માટે અત્યંત શુભ સાબિત થઈ શકે છે. આ સંબંધે કરેલી યાત્રા શુભ સાબિત થશે. આર્થિક મામલે કરેલી મહેનત આવનારા સમયમાં સુખદ અનુભવ લઈને આવશે. પરિવારમાં કોઈ મહિલાને લઈને મનમાં ચિંતા થઈ શકે છે. અઠવાડિયાના અંતે બિઝનેસ સંબંધિત ખુશખબર મળી શકે છે.
તુલા
કાર્યક્ષેત્રે ઉન્નતિ થશે તેમજ તમારી સૂઝબૂઝના વખાણ થશે. કોર્ટ-કચેરીના મામલે સફળતા પ્રાપ્ત થશે. પરિવાર સાથે સુખભર્યો સમય વિતાવશો. સ્વાસ્થ્ય સુધરતું જોવા મળશે. બેદરકારી નહીં રાખો તો રોકાણ દ્વારા જબરદસ્ત ફાયદો થઈ શકે છે. અઠવાડિયાના અંતે ભાવનાત્મક કારણોસર વ્યાકુળતા આવશે.
વૃશ્ચિક
કાર્યક્ષેત્રે ઉન્નતિ થશે તેમજ વિજય પ્રાપ્ત થશે. તમે છેલ્લા થોડા સમયથી ખૂબ જ મહેનત કરી છે. આ અઠવાડિયે તે પરિશ્રમનું ફળ પ્રાપ્ત થશે. યાત્રા દ્વારા શુભ પરિણામ આવશે. પરિવારમાં સ્પષ્ટતાથી કોઈ વાત કહી દેવાથી પરિજનો સાથે મતભેદ થઈ શકે છે પરંતુ અંતે બધું જ સારું થશે. તમારી તરફથી કરાયેલા સતત પ્રયાસોથી આવકમાં વૃદ્ધિ થશે.
ધન
કાર્યક્ષેત્રે આ અઠવાડિયે પ્રગતિની ઘણી તક પ્રાપ્ત થશે. ક્રિએટિવ કાર્યો દ્વારા સફળતા પ્રાપ્ત થશે. આર્થિક વ્યય પણ વધારે થઈ શકે છે. લવ લાઈફમાં મહિલા વર્ગના સપોર્ટથી શુભ સંયોગ બનશે. જીવનમાં શાંતિ પ્રાપ્ત થશે. અઠવાડિયાના અંતે કોઈ વડીલના આશીર્વાદથી શુભ પરિણામ મળશે.
મકર
કાર્યક્ષેત્રે કોઈ પિતૃતુલ્ય વ્યક્તિ તમારી મદદ માટે આગળ આવી શકે છે. ક્રિએટિવ કાર્યો દ્વારા શુભ પરિણામ પ્રાપ્ત થશે. પરિવારમાં જશ્નનો માહોલ રહેશે તેમજ પરિવાર સાથે ક્યાંક હરવાફરવાનું પ્લાનિંગ કરી શકો છો. આર્થિક વ્યય વધાકે થઈ શકે છે, સંતાનો પાછળ ખર્ચ વધુ થાય તેવું બની શકે. આ અઠવાડિયે કોઈ વાતને લઈને મનમાં ચિંતા રહેશે જેને પ્રતિકૂળ અસર સ્વાસ્થ્ય પર જોવા મળશે.
કુંભ
પ્રેમ સંબંધમાં અને જીવનમાં સુખ-શાંતિ રહેશે. આર્થિક મામલે થોડું રિસ્ક લેવાની જરૂર છે જેથી પ્રગતિ વધારે થાય. કાર્યક્ષેત્રે ધીમી પ્રગતિ થશે. પ્રોપર્ટી જેવી બાબતે અધિક લાભ થશે. અઠવાડિયાના અંતે શુભ સંયોગ ઊભો થતાં શાંતિનો અનુભવ થશે.
મીન
જૂના પ્રોજેક્ટ અચાનકથી ફરી શરૂ થઈ શકે છે જેમાં સફળતા પ્રાપ્ત થશે. આ અઠવાડિયે કાર્યક્ષેત્રે પ્રગતિકારક સ્થિતિનું નિર્માણ થઈ રહ્યું છે. આર્થિક વ્યય વધારે થઈ શકે છે અને કોઈ મહત્વનો નિર્ણય કરી શકો છો. સ્વાસ્થ્ય પ્રત્યે ધ્યાન આપવાની જરૂર છે. પરિવારમાં સુખદ અનુભવ થશે. અઠવાડિયાના અંતે વાતચીતથી મામલો સંભાળી લેવો નહીં તો કષ્ટ થઈ શકે છે.
from Page Array – I Am Gujarat http://bit.ly/2YT1PBR
No comments:
Post a Comment