27 વર્ષના સોફ્ટવેર એન્જિનિયરે ઉતાર્યું 30 કિલોગ્રામ વજન

8 મહિનામાં ઉતાર્યું 30 કિલોગ્રામ વજન

શિશિર નામના આ 27 વર્ષીય યુવકે ઉતાર્યું તેનું 30 કિલોગ્રામ વજન. સોફ્ટવેર ડેવલોપર એવા શિશિરે જ્યારે વજન ઉતારવાનું નક્કી કર્યું ત્યારે તેનું વજન 104 કિલોગ્રામ હતું. માત્ર 8 મહિનામાં તેણે ઉતાર્યું 30 કિલોગ્રામ વજન. આ યુવક બાળપણથી જ જાડિયો હતો, વજન વધારે હોવાને કારણે તેની સાઈઝના કપડાં પણ નહોતા મળતા. તો ચાલો જાણીએ તેની વજન ઉતારવાની પ્રક્રિયા વિશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

જાણો તેનો વજન ઉતારવા માટેનો ડાયટપ્લાન

બ્રેકફાસ્ટ દરમિયાન તે બાફેલા 5 સફેદ ઈંડા, 1 આખું ઈંડું, સ્પ્રાઉટ્સ અને એક કપ બ્લેક કોફી પીતો હતો. જ્યારે લંચ દરમિયાન એક પ્લેટ સલાડ અને એક કપ ગ્રીન ટી પીતો હતો. ડિનરમાં પનીર સાથે થોડાં શાકભાજી (તળેલા) ખાતો હતો અને ચા પણ પીતો હતો. તે ક્યારેક બહારનું ફૂડ ખાતો હતો પણ તેના પર કંટ્રોલ ચોક્કસ રાખતો હતો.

દરરોજ 1 કલાક બેડમિન્ટન રમતો હતો

કસરત કરવા માટે આ યુવક દરરોજ 1 કલાક બેડમિન્ટન રમતો હતો. જ્યારે જિમમાં તે હળવી કસરત કરતો હતો. આ સિવાય તે દરરોજ પૂરતી ઊંઘ પણ લેતો હતો. તે દરરોજ આ પ્રક્રિયા કરતો હતો.

ખાંડવાળી ચીજવસ્તુઓથી દૂર રહે છે

આ યુવક બાળપણથી જ જાડિયો હતો પણ હવે જ્યારે તેને એ વાતનો અનુભવ થયો કે યોગ્ય સાઈઝના અને મનગમતા કપડાં મળી રહ્યા નથી ત્યારે તેણે વજન ઉતારવાનું નક્કી કર્યું. હવે તેણે ખાંડવાળી વસ્તુઓ ખાવાની ઓછી કરી નાખી છે.

હવે ફાસ્ટફૂડ ખાવાનું બંધ કરી દીધું

તે હવે વધુ ખાંડવાળા બિસ્કિટ્સ, સોફ્ટ ડ્રિંક્સ, બહાર મળતા જ્યૂસ વગેરેથી દૂર રહે છે. વજન ઉતારવા માટે આ યુવકે હવે ફાસ્ટ ફૂડ પણ ખાવાનું બંધ કરી દીધું છે. હવે તેણે વધુમાં વધુ શાકભાજી ખાવાનું શરૂ કર્યું છે.

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat http://bit.ly/2DVV4H5