આ કારણે ગુજરાતી ગૃહિણીમાં વજન વધવાની ફરિયાદ વધુ જોવા મળે છે

ગુજરાતી યુવતીના લગ્ન થાય પછી વજન વધવા લાગે છે…

આમ તો વધારે પડતા વજનની બીમારી ઓબેસિટીથી અનેક મહિલાઓ પીડાય છે. તેમં પણ ખાસ કરીને ગૃહિણીઓ આનો શિકાર બને છે. આ અંગે 2018માં કરવામાં આવેલ એક અભ્યાસમાં સામે આવ્યું છે કે ગુજરાતમાં 11.6% પુરુષોની અપેક્ષાએ 17.7% જેટલ મહિલાઓ ઓબેસિટીનો શિકાર બની છે. ગુજરાતમાં મોટાભાગના શેહરોનામાં ડોક્ટર્સ પાસે વધારે પડતા વજનની સમસ્યાની ફરિયાદ આવી રહી છે. જેમાં ગૃહિણીઓ વધુ હોય છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ગુજરાતમાં વધ્યા ઓબેસિટીના કેસ

કે.ડી હોસ્પિટલના ડો. મનિષ ખૈતાને કહ્યું કે 6-7 મેના રોજ તેમને કુલ 27 જેટલા ઓબેસિટીના દર્દીઓનું ઓપેશન કર્યું હતું જે પૈકી 18 દર્દી મહિલાઓ હતી. આ દર્દીઓના સારવારમાં સામાન્ય રીતે રુ.3 લાખ જેટલો ખર્ચ આવતો હોય છે જેની સામે તેમને રુ. 1.45 લાખમાં જ ઓપરેશન કરવામાં આવ્યું હતું. તેમણે જણાવ્યું કે આ દર્દીઓ ગુજરાતના જુદા જુદા વિસ્તારોમાંથી આવ્યા હતા અને તેમના ઓપરેશન બાદ ગુરુવારે જરુરી ટેસ્ટ કરાવ્યા પછી તેમને હોસ્પિટલમાંથી ડિસ્ચાર્જ કરવામાં આવ્યા હતા.

આવું છે કારણ

ખૈતાનના જણાવ્યા મુજબ ગુજરાતના લોકોએ ઓબેસિટી મામલે વધારે સજાગ રહેવાની જરુર છે. કેમ કે આપણી મોટાભાગની ડિશમાં ખાંડનું પ્રમાણ વધારે હોય છે અને આજકાલ જંક ફૂડનું કલ્ચર પણ વધી રહ્યું છે. તેમના જણાવ્યા પ્રમાણે ઓબેસિટીની સમસ્યાને લઈને આવતા દર્દીઓ પૈકી 60% દર્દીઓ મહિલાઓ હોય છે. સરેરાશ દરેક ગૃહિણી પોતાના પરિવાર અને ઘરની જવાબદારી સંભાળવામાં પોતાનું ધ્યાન રાખવાનું ભુલી જાય છે. તેમાં પણ પ્રેગ્નેન્સી બાદ તેમનામાં આ સમસ્યા વધુ રહે છે. જ્યારે સમાજીક જવાબદારી નિભાવતા આવતા સતત હોર્મોનલ ચેન્જિંગ અને ખાવાની તેમની આદતો જવાબદાર છે. ઘરકામ સિવાય આવી મહિલાઓ એક્ટિવ નથી હોતી તેમજ સ્ટ્રેસના કારણે તૈલી અને વધારે ખાંડવાળા ખોરાક ખાય છે. જેના કારણે વજન વધવાની સમસ્યા શરુ થાય છે જે ધીમે ધીમે ઓબેસિટીની બીમારીમાં બદલાય છે.

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat http://bit.ly/2WBuVEX