આ વખતે વર્લ્ડકપમાં 300+ રનનો સ્કોર પણ સેફ નથી!

વર્લ્ડકપમાં 300+નો સ્કોર સેફ નથી?

નવી દિલ્હીઃ ઈંગ્લેન્ડે પાકિસ્તાન સામેની સીરિઝની ત્રીજી વનડે મેચમાં 359ના ટાર્ગેટ ચાર વિકેટ ગુમાવીને મેળવી લીધો. વનડે ક્રિકેટમાં ટાર્ગેટનો પીછો કરતા આ ઈંગ્લેન્ડની બીજી સૌથી મોટી જીત હતી. ઈંગ્લેન્ડે આ ટાર્ગેટ 5 ઓવર બાકી રહેતા હાંસેલ કરી લીધો. હેરાન કરનારી વાત એ છે કે 350+થી વધારે સ્કોર કોઈપણ પરેશાની વિના હાંસેલ કરી લીધો. તો એવામાં સવાલ ઉઠવા લાગ્યો કે 50 ઓવરની મેચમાં ટીમો માટે આ સ્કોર શું સેફ માનવો જોઈએ?

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

300થી વધુ રન બનાવીને પણ ટીમો હારી

વર્લ્ડકપ 2015 બાદ રમાયેલી 469 વનડે મેચોમાંથી 128 મેચોમાં પહેલા બેટિંગ કરનારી ટીમોએ 300થી વધારે રન બનાવ્યા છે. પરંતુ આ વધારે નહોતા. તે 128 મેચોમાંથી લગભગ 99 મેચોમાં એટલે કે 77 ટકામાં પહેલા બેટિંગ કરનારી ટીમને જીત મળી. તેમની તુલના જો તે 341 મેચો સાથે કરીએ જેમાં 300+ સ્કોર નથી બન્યો, જીતની આ એવરેજ ઘટીને 38 ટકા થઈ જાય છે. જોકે 130 મેચોમાં જીત મળી છે. જો 2015 વર્લ્ડકપ બાદ થયેલી મેચો પર નજર કરીએ તો આવી તસવીર સામે આવે છે.

શું છે ટાર્ગેટ અને જીતની એવરેજ?

<250 રન: 201 મેચ, 49 જીત, જીતની એવરેજ 24 ટકા
250-299 રન: 140 મેચ, 81 જીત. જીતની એવરેજ 58 ટકા
300-349 રન: 87 મેચ, 67 જીત. જીતની એવરેજ 74 ટકા
350-399 રન: 36 મેચ. 30 જીત. જીતની એવરેજ 83 ટકા
400થી વધારે રનઃ 5 મેચ, 5 જીત. જીતની એવરેજ 100 ટકા

ઈંગ્લેન્ડની ટીમે કરી કમાલ

તો હવે સવાલ ઉઠે છે કે ઈંગ્લેન્ડમાં પહેલી ઈનિંગ માટે સેફ સ્કોર શું છે? પાછલા વર્લ્ડકપ બાદ ઈંગ્લેન્ડમાં 56 વનડે રમાઈ છે. તેમાંથી 18 વખત 300+ સ્કોર હાંસેલ થયો છે. મંગળવારે પાકિસ્તાન સામે મળેલી જીતને પણ કાઉન્ટ કરીએ તો હોમગ્રાઉન્ડ પર ટાર્ગેટનો પીછો કરતા ઈંગ્લેન્ડે સતત 16મી મેચ જીતી છે.

ભારત કરી શકશે ઈંગ્લેન્ડ જેવી કમાલ?

પાછલા વર્લ્ડકપથી અત્યાર સુધીમાં વનડે મેચમાં કોઈ ટીમ દ્વારા બનાવાયેલો સૌથી વધુ રનનો રેકોર્ડ અત્યાર સુધીમાં બે વખત તૂટ્યો છે. બંને વખત ઈંગ્લેન્ડમાં અને ઈંગ્લેન્ડ દ્વારા. પહેલા પાકિસ્તાન સામે ઓગસ્ટ 2016માં 444/3 અને પછી પાછલા વર્ષે જૂનમાં ઓસ્ટ્રેલિયા સામે 481/6. આ બંને મેચો નોટિંગમમાં રમાઈ હતી. આ સાથે જ ઈંગ્લેન્ડ પાંચ વખત 400+ સ્કોર કર્યો અને ચાર વખત તેને ડિફેન્ડ કર્યો છે. ત્રણ વખત તેણે ધરઆંગણે આ કારનામું કર્યું છે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2w1294O