હ્યુંડાઈની આ ઈલેક્ટ્રિક કાર એકવાર ચાર્જ કરવા પર 300 કિમી સુધી દોડશે

હ્યુંડાઈ લાવશે ઈલેક્ટ્રિક કાર

આવનારો સમય ઈલેક્ટ્રિક કાર્સનો હશે. હ્યુંડાઈ મોટર ઈન્ડિયા આ વર્ષે જુલાઈમાં પોતાની નવી Kona EV કારને ભારતમાં લોન્ચ કરવા જઈ રહી છે. સૂત્રો મુજબ નવી Konaને ભારતમાં 9 જુલાઈએ લોન્ચ કરવામાં આવશે. ભારતમાં કંપનીની આ પહેલી ઈલેક્ટ્રિક કાર હશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

એક વખતના ચાર્જમાં 300કિમી દોડશે

નવી Kona EVમાં 39.2 kWhની બેટરી મળી શકે છે. જે 135bhpનો પાવર અને 335Nmનો ટોર્ક જનરેટ કરશે. ફુલ ચાર્જ થવા પર આ કાર 300 કિમી સુધીનું અંતર કાપશે. ઉપરાંત 0થી 100 કિમી પ્રતિ કલાકની સ્પીડ પકડવામાં તેને 9.3 સેકન્ડનો સમય લાગશે. કારમાં ફાસ્ટ ચાર્જિંગની સુવિધા પણ ઉપલબ્ધ હશે.

કેટલી હશે કિંમત?

નવી Kona EVની અંદાજિત કિંમત 25 લાખ રૂપિયા આસપાસ હોઈ શકે છે. કંપની તેને CKD રૂટ દ્વારા લાવશે અને ભારતમાં ચેન્નૈ પાસે સ્થિત હ્યુંડાઈના શ્રીપેરુમબુદુર ફેક્ટરી પ્લાન્ટમાં તેને એસેમ્બલ કરશે.

કારમાં હશે આ ખાસ ફીચર્સ

કારના ફીચર્સની વાત કરીએ તો નવી Kona EVમાં બ્લ્યૂલિંક કનેક્ટિવિટીને શામેલ કરી શકાય છે. આ ટેકનોલોજીને હાલમાં જ લોન્ચ કરાયેલી Venue કારમાં અપાઈ છે. કારમાં ઓટોમેટિક ક્લાઈમેટ કંટ્રોલ, LED પ્રોજેક્ટર હેડલેમ્પ્સ અને DRLs, ઈલેક્ટ્રિક સનરૂફ, રે સેનસિંગ વાઈપર્સ જેવા ઘણા ફીચર્સ મળશે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2EtZUM1