નળી વડે શ્વાસ લેતી બીમાર મહિલા પ્રિન્સિપાલ 300KM દૂરથી વોટ આપવા આવી

બીમાર મહિલાએ આપ્યો વોટ

એએસઆરપી મુકેશ, રાંચી/દુમકાઃ ઓક્સિજન પાઈપની મદદથી શ્વાસ લેનારી 59 વર્ષની રેણુકા મિશ્રાને પોલિંગ બૂથમાં જોઈને લોકોને લાગ્યું આમને તો હોસ્પિટલની પથારીમાં હોવું જોઈએ. પરંતુ કદાચ તેમને ખબર નહોતી કે રેણુકા પોતાના મતાધિકારનો ઉપયોગ કરવા માટે કોલકાતાથી દુમકા 300 કિમીની સફળ 6 કલાકમાં પૂરી કરીને ત્યાં પહોંચી છે.

5 મહિનાથી ઓક્સિજન સિલિન્ડરથી શ્વાસ લે છે

રેણુકા દુમકાના ખજુરિયામાં એક સરકારી સ્કૂલમાં પ્રિન્સિપાલ છે. હાલમાં તે મેડિકલ લીવ પર છે અને કોલકાતામાં પોતાની સારવાર કરાવી રહી છે. આ જાન્યુઆરીથી બ્રોંકાઈટિસ (શ્વાસ નળીની બીમારી)થી પીડાય છે, તેમના બંને ફેફસા જવાબ આપી ચૂક્યા છે. આથી શ્વાસ લેવા માટે તેમને સંપૂર્ણ પણે ઓક્સિજન સિલિન્ડર પર નિર્ભર રહેવું પડે છે. જાન્યુઆરી 2020માં તેઓ રિટાયર થવાના છે.

પરિવાર સહમત નહોતો

તેમના ખરાબ સ્વાસ્થ્યના કારણે બધાએ રેણુકાને વોટ આપવા માટે આટલી લાંબી મુસાફરી ન કરવા કહ્યું, પરંતુ રેણુકાએ તેમની વાત ન માની અને લોકસભાની ચૂંટણીના અંતિમ ચરણમાં પોતાનો વોટ આપ્યો. તે દુમકા ક્લબ પોલિંગ બૂથ પર સમય પહેલા જ પહોંચી ગઈ હતી. જિલ્લા પ્રશાસન તરફથી તેને અમ્બ્યુલન્સની સુવિધા અપાઈ હતી.

પ્રશાસને કરી ખાસ એમ્બ્યુલન્સની વ્યવસ્થા

અમારા સહયોગી ટાઈમ્સ ઓફ ઈન્ડિયા સાથે વાત કરતા દુમકાના જિલ્લા અધિકારી અને ચૂંટણી અધિકારી મુકેશ કુમારે જણાવ્યું કે 12મેએ રેણુકા મિશ્રાની એક અરજી હતી કે તે પોતાનો વોટ આપવા પ્રશાસનનો સહયોગ ઈચ્છે છે. કુમારે જણાવ્યું, અમારે વોટિંગની ટકાવારી વધારવી છે એટલે એક-એક વોટની કિંમત છે. રેણુકાની પ્રતિબદ્ધતા જોઈને અમે બધા પ્રભાવિત થઈ ગયા. આ કારણે જ અમે તેમની મદદ કરવા માટે તૈયાર થઈ ગયા. તેઓ એક શિક્ષક છે અને આવી રીતે લોકતંત્ર માટે એક ઉદાહરણ પુરું પાડ્યું છે.

ઘરેથી મતદાન મથક સુધી મળી એમ્બ્યુલન્સ

રેણુકાના દીકરા અવિનાશ વત્સલ કોલકાતાની એક પ્રાઈવેટ મલ્ટીનેશનલ કંપનીમાં કામ કરે છે. તેમણે જણાવ્યું કે તેઓ દુમકાના લાલપોખરાના છે, પરંતુ કોલકાતામાં રહે છે. શરુઆતમાં પરિવારના લોકો નહોતા ઈચ્છતા કે વોટ નાખવા માટે આટલી લાંબી મુસાફરી કરે પરંતુ તેમની જિદ પર પ્રશાસનની મદદ માગવાનો વિચાર આવ્યો. વત્સલ જણાવે છે કે હું શનિવારે કોલકાતાથી માંથી કારમાં ડ્રાઈવ કરીને અહીં લાવ્યો. લાલપોખરામાં અમારા ઘરથી પોલિંગ બુથ સુધી પ્રશાસને એક ખાસ એમ્બ્યુલન્સનો બંદોબસ્ત કર્યો હતો.

from Page Array – I Am Gujarat http://bit.ly/2EihfaY