મુંબઈ: ભારતીય ઈક્વિટી માર્કેટમાં ભારે વોલેટિલિટી વચ્ચે સોમવારે 372 પોઈન્ટ્સ (0.99%)નું તોતિંગ ગાબડું પડ્યું હતું. સન ફાર્માના શેરમાં આજે 9.39 ટકાનું જંગી ધોવાણ થયું હતું. શેરબજારમાં સતત નવમાં સેશનમાં ઘટાડો જોવા મળ્યો હતો.
દિવસ દરમિયાન BSE સેન્સેક્સ ઉપરમાં 37,583.57 અને નીચામાં 36,999.84 પોઈન્ટ્સની રેન્જમાં ટ્રેડ થયા બાદ 372.17 પોઈન્ટ્સ ઘટીને 37,090.82 પોઈન્ટ્સની સપાટીએ બંધ રહ્યો હતો.
નેશનલ સ્ટોક એક્સચેંજનો નિફ્ટી ઉપરમાં 11,300.20 અને નીચામાં 11,125.60 પોઈન્ટ્સની રેન્જમાં અથડાયા બાદ 130.70 પોઈન્ટ્સ ગગડીને 11,148.20 પોઈન્ટ્સની સપાટીએ બંધ રહ્યો હતો.
BSE મિડકેપ અને BSE સ્મોલકેપ ઈન્ડેક્સ અનુક્રમે 1.84 ટકા અને 2.15 ટકા ઘટીને બંધ રહ્યા હતા.
આજે ઘટેલા મુખ્ય શેરોમાં સન ફાર્મા (9.39 ટકા), યસ બેન્ક (5.58 ટકા), ટાટા સ્ટીલ (3.22 ટકા), ઈન્ડસઈન્ડ બેન્ક (3.20 ટકા), ટાટા મોટર્સ (3.09 ટકા) અને L&T (2.81 ટકા)નો સમાવેશ થાય છે.
આજે વધેલા મુખ્ય શેરોમાં HDFC (1.06 ટકા), હિન્દુસ્તાન યૂનિલિવર લિમિટેડ (0.87 ટકા), ઈન્ફોસિસ (0.56 ટકા), બજાજ ફાઈનાન્સ (0.24 ટકા)નો સમાવેશ થાય છે.
from Page Array – I Am Gujarat http://bit.ly/2Q1QpIP
No comments:
Post a Comment