મુંબઈ: અમેરિકા ચીન વચ્ચે ટ્રેડવોર ગંભીર સ્વરુપ ધારણ કરે તેવી આશંકા સાથે આજે વૈશ્વિક શેરબજારોની સાથે સાથે ભારતીય ઈક્વિટી માર્કેટમાં પણ ભારે વેચવાલી જોવા મળી હતી અને સેન્સેક્સ 488 પોઈન્ટ્સ ઘટીને બંધ રહ્યો હતો.
અમેરિકાએ ચીન પર અગાઉ સધાયેલી સમજૂતીમાંથી પીછેહઠ કરી હોવાનો આક્ષેપ કર્યો હતો અને તેને કારણે વૈશ્વિક બજારોમાં ગભરાટ ભરી વેચવાલી જોવા મળી હતી.
દિવસ દરમિયાન BSE સેન્સેક્સ ઉપરમાં 38,248.57 અને નીચામાં 37,743.07 પોઈન્ટ્સની રેન્જમાં અથડાયા બાદ 487.50 પોઈન્ટ્સના ઘટાડા સાથે 37,789.13 પોઈન્ટ્સની સપાટીએ બંધ રહ્યો હતો.
નેશનલ સ્ટોક એક્સચેંજનો નિફ્ટી પણ ઉપરમાં 11,479.10 અને નીચામાં 11,346.95 પોઈન્ટ્સ વચ્ચે ટ્રેડ થયા બાદ 138.45 પોઈન્ટ્સના ધોવાણ સાથે 11,359.45 પોઈન્ટ્સની સપાટીએ બંધ રહ્યો હતો.
BSE મિડકેપ અને BSE સ્મોલકેપ ઈન્ડેક્સ અનુક્રમે 0.96 ટકા અને 1.21 ટકા ઘટીને બંધ રહ્યા હતા.
આજે અન્ય સેક્ટોરલ ઈન્ડાઈસિસમાં BSE એનર્જી ઈન્ડેક્સ 2.51 ટકા, BSE રિયલ્ટી ઈન્ડેક્સ 2.13 ટકા, BSE હેલ્થકેર 1.26 ટકા, BSE ઓટો ઈન્ડેક્સ 1.33 ટકા ઘટીને બંધ રહ્યા હતા. આજે તમામ સેક્ટોરલ ઈન્ડાઈસિસ રેડ ઝોનમાં બંધ રહ્યા હતા.
from Page Array – I Am Gujarat http://bit.ly/2LJmeaT
No comments:
Post a Comment