પાંચ વર્ષમાં 600 કરોડનું રોકાણ કરશે અજય
એક્ટિંગ બાદ ડિરેક્શનમાં પણ હાથ અજમાવી ચૂકેલો બોલિવુડ અભિનેતા અજય દેવગણ આગામી પાંચ વર્ષમાં મલ્ટીપ્લેક્સ વેન્ચર NY સિનેમાઝમાં 600 કરોડ રૂપિયાનું રોકાણ કરવાનું આયોજન કરી રહ્યો છે. પોતાના બંને બાળકો ન્યાસા અને યુગના નામનો પ્રથમ અક્ષર લઈને અજયે મલ્ટીપ્લેક્સ વેન્ચરનું નામ રાખ્યું છે. 50 વર્ષના એક્ટરનું કહેવું છે કે, તેનો ઉદ્દેશ ઉત્તર અને પશ્ચિમ ભાગમાં ઓછોમાં ઓછા 250 સ્ક્રીન શરૂ કરવાની છે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
જૂનમાં લોન્ચ થશે પહેલું થિયેટર
અજયે જણાવ્યું, તેના મલ્ટીપ્લેક્સ બિઝનેસનું પહેલું થિયેટર મધ્યપ્રદેશના રતલામમાં જૂનમાં લોન્ચ થશે. NY સિનેમાઝનો ટાર્ગેટ એવા લોકો હશે જેમના સુધી હજુ મોર્ડન થિયેટર નથી પહોંચ્યું, જે દેશના અંતરિયાળ વિસ્તારોમાં રહે છે. જો કે, આ પ્રોજેક્ટ વિશે અજયે ખુલાસો નથી કર્યો કે તેનું મલ્ટીપ્લેક્સ દેશના અન્ય મલ્ટીપ્લેક્સ કરતાં કેવી રીતે અલગ હશે. આ પહેલા અજયે ઉત્તરપ્રદેશના હાપુડ અને ગાજીપુરમાં બે સિંગલ-સ્ક્રીન થિયેટર ખરીદ્યા છે.
આ ગ્રુપ સાથે કરી ભાગીદારી
NY સિનેમાઝના ચીફ એક્ઝક્યુટિલ રાજીવ શર્માએ જણાવ્યું કે, ટિયર-2 અને ટિયર-3ના શહેરોમાં વધારે સ્ક્રીન શરૂ કરવાની યોજના છે કારણકે આ શહેરોમાં હજુ મલ્ટીપ્લેક્સની પહોંચ ઓછી છે. 16મે ગુરુવારના રોજ NY સિનેમાઝે રિયલટી ફર્મ એલન ગ્રુપ સાથે ભાગેદારી કરી છે. આ પાર્ટનરશીપ અંતર્ગત ગુરુગ્રામના એક શોપિંગ મોલમાં 5 સ્ક્રીન મલ્ટીપ્લેક્સ શરૂ કરવામાં આવશે જેનો પડતર-ખર્ચ 450 કરોડ રૂપિયા હશે. ઉત્તર ભારતમાં NY સિનેમાઝની આ પહેલી પાર્ટનરશિપ છે.
ટૂંક સમયમાં જ લોગો અને ટેગલાઈન લોન્ચ કરશે
એલન ગ્રુપ ગુરુગ્રામમાં 7.5 લાખ સ્ક્વેર ફીટ બિલ્ટ-અપ એરિયામાં એલિન એપિન નામથી એક લગ્ઝરી રિટેલ પ્રોજેક્ટ બનાવી રહ્યું છે. જેમાં આ ગ્રુપ 450 કરોડ રૂપિયાનું રોકાણ કરવાનું છે. આ પ્રોજેક્ટમાં 5 સિલ્વર સ્ક્રીન મલ્ટીપ્લેક્સ હશે જેનો એરિયા 46,000 સ્ક્વેર ફીટ છે. NY સિનેમાઝે મુંબઈની ક્રિએટીવ એજન્સી કલર ક્રાફ્ટ સ્ટુડિયોને સ્ટાઈલિંગ સ્ટ્રેટજી અને બ્રાંડ બનાવવાની જવાબદારી સોંપી છે. કંપની ટૂંક સમયમાં જ નવો લોગો અને ટેગલાઈન ‘ફોર ધ લવ ઓફ સિનેમા’ રજૂ કરશે.
from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2w4jvhj
No comments:
Post a Comment