ચોરોએ શોધી કાઢી નવી ટ્રિક!
ઉત્તર પ્રદેશમાં ચોરોએ ચોરી કરવાની નવી રીત શોધી કાઢી છે. હકીકતમાં વાનરોને વ્યક્તિના સૌથી નિકટના માનવામાં આવે છે, જે ઈશારાને સારી રીતે સમજે છે. એવામાં ચાલાક ચોર હવે વાનરોનો ઉપયોગ ચોરીની ઘટના માટે કરી રહ્યા છે. આવો જ એક વીડિયો સામે આવ્યો છે. કાનપુરના આ વીડિયોમાં દેખાય છે કે ટોલ પ્લાઝા પર એક વાંદરો આવે છે અને બૂથની અંદર જઈને 8 સેકન્ડમાં નોટોનું બંડલ ઉપાડીને ભાગી જાય છે. જ્યાં સુધીમાં ટોલ પ્લાઝાનો કર્મચારી કંઈ સમજી શકે તે પહેલા જ ચોરી થઈ જાય છે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
ટોલ પ્લાઝામાંથી વાનર 5 હજારનું બંડલ ઉઠાવી ગયો
કાનપુરના દેહાત સ્થિત બારાજોડ ટોલ પ્લાઝાની સમગ્ર ઘટના છે. જ્યાં બુધવારે (1લી મે)એ લગભગ સવા ચાર વાગ્યે કાનપુર તરફથી આવેલી એક કાર ટોલ પ્લાઝા પર ઊભી રહે છે. 35 સેકન્ડના વીડિયોમાં 20 સેકન્ડે એક સફેદ કાર આવે છે. તેમાંથી એક વાનર બહાર નીકળે છે અને સીધો ટોલ પ્લાઝાના કર્મચારીના કેબિનમાં દાખલ થાય છે. આ પહેલા કે કર્મચારી કઈ સમજી શકે વાનર નોટોનું બંડલ ઉઠાવીને કેબિન બહાર નીકળી જાય છે. તે કારમાં ઘુસવાનો પ્રયાસ કરે છે પરંતુ ડ્રાઈવર તેને ઘક્કો મારીને ભગાડી દે છે. છતાં તે બંડલ લઈને રફુચક્કર થઈ જાય છે. ઉલ્લેખનીય છે કે જે નોટનું બંડલ હતું તે 5 હજારનું હતું.
સીસીટીવીમાં કેદ થઈ ઘટના
વાનરની આ સમગ્ર કરતૂત ત્યાં લાગેલા સીસીટીવી કેમેરામાં કેદ થઈ જાય છે. ટોલ કર્મી જ્યારે કાર ચાલકને વાનર વિશે પૂછે છે ત્યારે તે કહે છે કે મને નથી ખબર વાનર ક્યાંથી આવ્યો. ભારે બોલાચાલી બાદ કાર ચાલક ત્યાંથી રવાના થઈ જાય છે.
ટોલ પ્લાઝા પર ત્રીજી વાર બની ઘટના
ઉલ્લેખનીય છે કે ટોલ પ્લાઝાના સંચાલક મનોજ શર્માનું કહેવું છે કે અમારા ટોલ પ્લાઝામાં આ પ્રકારની ત્રીજી ઘટના છે. આ ચોરોએ નવી રીત શોધી કાઢી છે જેમાં વાનરોને પ્રશિક્ષિત કરીને તેના બાદ ચોરીની ઘટનાઓને અંજામ અપાય છે. આવું જ ફરી એકવાર બન્યું હતું.
from Page Array – I Am Gujarat http://bit.ly/2LjeoEv
No comments:
Post a Comment