આખો દિવસ એસીમાં બેસી રહેવાની આદત છે?
તપતા ઉનાળામાં જ્યારે તાપમાનનો પારો 40 ડિગ્રીને પાર કરે ત્યારે પંખા કે કૂલર પણ રાહત નથી આપતા. એવામાં એર કંડિશનર વરદાન જેવા લાગે છે. આજકાલ તો મોટાભાગની ઓફિસ સેન્ટ્રલ એસી હોય છે એટલે આખો દિવસ ઓફિસમાં તો ગરમી ના લાગે પરંતુ બહાર નીકળીએ તો ખબર પડે. દિવસ આખો ઓફિસમાં એસી અને રાત્રે ઘરે આવીને એસીમાં ઊંઘવાનું હોય ત્યારે ગરમીથી તો રાહત મળે છે પરંતુ સ્વાસ્થ્યને નુકસાન પહોંચે છે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
તાજી હવા નથી મળતી
એસી રૂમમાં હોઈએ એટલે બારી-બારણાં બંધ જ હોય કારણકે તો જ તો રૂમ ઠંડો થાય. આવામાં તાજી હવા નથી મળતી જે સ્વાસ્થ્ય માટે ખૂબ નુકસાનકારક છે. તાજી હવાના અભાવે આખો વખત થાક લાગ્યા કરે. એસી ડક્ટ સાફ ન કર્યું હોય તો શ્વાસ સંબંધિત બીમારીઓ અને ફેફસામાં ઈન્ફેક્શન થઈ શકે છે.
બહુ ઠંડું વાતાવરણ
ઘણી વાર ઊંઘતા હોઈએ ત્યારે એસીના લીધે રૂમ એકદમ ઠંડો થઈ જાય છે. સ્લીપ મોડ ઓન કરવાનું ભૂલી જવાય તો ઘણી વાર સહન ન થાય એટલી હદે ઠંડી વધી જાય છે. વધારે ઠંડકના કારણે માથામાં અને પીઠમાં દુખાવો થાય છે. જરૂર કરતાં વધારે ઠંડીના લીધે સાંધામાં દુખાવો થઈ શકે છે જે ધીમે-ધીમે સંધિવાને આમંત્રણ આપે છે.
સૂકું વાતાવરણ
એર કંડિશનર હવામાંથી ભેજ શોષી લે છે એટલું જ નહીં સ્કિન અને વાળમાંથી પણ ભેજ શોષે છે. જેના કારણે સ્કિન અને વાળ ડ્રાય થઈ જાય છે. ત્વચામાં કરચલીઓ પડે છે સાથે જ સ્કિન સંબંધિત અન્ય સમસ્યાઓ થાય છે.
શું કરશો?
તમે ઓફિસમાં તો એસી બંધ નથી કરી શકતા પરંતુ આની ટેવ ના પાડો. ઘરમાં ઓછામાં ઓછો એસીનો ઉપયોગ કરો અને નોર્મલ તાપમાનમાં રહેવાનો પ્રયાસ કરો. એસીમાં બેસતા હો તો વારંવાર સ્કિન પર મોઈશ્ચરાઈઝર લગાવવું.
પાણી પીતા રહો
એસીમાં બેસો ત્યારે સતત પાણી પીતા રહેવું જોઈએ. ઓફિસમાં વચ્ચે-વચ્ચે ઊભા થઈને એસીના બદલે જ્યાં તાજી હવા મેળવી શકો તેવી જગ્યાએ જાવ. ઓફિસ બાદ સાંજે અથવા તો ઓફિસ જતાં પહેલા સવારે ગાર્ડનમાં ચાલવા જાઓ જેથી જરૂરી ઓક્સિજન મળી રહે.
from Page Array – I Am Gujarat http://bit.ly/2VoEvK1
No comments:
Post a Comment