ગેરકાયદેસર બાંધકામ?
પાર્થ શાસ્ત્રી, પોલ જ્હોન, અમદાવાદઃ અમદાવાદના હેરિટેજ ઝોનમાં હેરિટેજ બિલ્ડિંગની 100 મીટરથી 300 મીટરની રેન્જમાં ‘પરવાનગી વિના’ બાંધકામ કરવા બદલ આર્કિયોલોજિકલ સર્વે ઑફ ઈન્ડિયા (ASI)એ એક જ અઠવાડિયામાં ત્રણ વ્યક્તિને નોટિસ ફટકારી છે. છેલ્લા 20 અઠવાડિયામાં ASIએ આવી 38 શો-કોઝ નોટિસ ફટકારી છે. જુલાઈ 2017માં યુનેસ્કોએ અમદાવાદને હેરિટેજ સિટી જાહે કર્યું તે પછી સંરક્ષિત મકાનોની આસપાસ ‘ગેરકાયદેસર’ બાંધકામની પ્રવૃત્તિ ચાલી રહી છે.
હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો
AMC ASI વચ્ચે તાલમેલનો અભાવઃ
પહેલી નજરે બાંધકામ ગેરકાયદેસર થયાનું લાગે પરંતુ કોટ વિસ્તારમાં રહેતા મોટાભાગના રહેવાસીઓને ASIના કાયદા, હેરિટેજ ઝોનમાં બાંધકામની પ્રક્રિયા કે પછી કોર્પોરેશનના નિયંત્રણો અંગે જાણ જ નથી. કાળુપુરમાં રંગવાલા માર્કેટમાં મોબાઈલની શોપ ધરાવતા પ્રતીક ચાવડાએ કહ્યું, “પરમિશન લેવા ક્યાં જવાનું? અમારે ઘર કે દુકાનનું સમારકામ કરાવવું હોય તો તેની પરવાનગી છે ખરી? શું AMC અને ASI વચ્ચે કોઈ તાલમેલ છે?”
અનેક લોકોની ફરિયાદઃ
ઝુબૈર મહોમ્મદ શેખ જણાવે છે, “કોર્પોરેશને મારા મામાને પ્લાસ્ટર અને સમારકામ માટે પરવાનગી આપી પરંતુ અમને એક અઠવાડિયા પછી શો કોઝ નોટિસ મળી કારણ કે અમારુ ઘર ઝૂલતા મિનારાની પાછળ આવેલું છે. તો કઈ પરવાનગી માન્ય ગણાય?” ભદ્ર પ્લાઝા, કોમર્શિયલ બિલ્ડિંગનો ઉપયોગ કરતા લોકો, માણેક ચોક આસપાસની પોળના લોકો, જામા મસ્જિદ અને અહેમદ શાહની દરગાહ પાછળ રહેતા લોકોની પણ આ જ ફરિયાદ છે.
તો શહેર ગુમાવી દેશે હેરિટેજ સિટીનું સ્ટેટસઃ
2018માં ASIએ ઐતિહાસિક ઈમારતમાં એ.સી લગાવવા માટે અને પતરાના છાપરા બેસાડી તેની શોભા ખરાબ કરવા બદલ અમુક લોકો સામે FIR દાખલ કરી હતી. બાદશાહ અને રાણીનો હજીરો, ત્રણ દરવાજા, રાણી રૂપમતિની મસ્જિદ, શાહ કુપાઈ મસ્જિદમાં મોટાપાયે ઘૂસણખોરી થઈ હતી. આ ફરિયાદ સામે પોલીસ કે AMCએ કોઈ પગલા ભર્યા નહતા. AMCના એસ્ટેટ ડિપાર્ટમેન્ટના એક અધિકારીએ જણાવ્યું, “ઘણા ઐતિહાસિક ઈમારતોમાં ગેરકાયદેસર લોકો રહે છે અને રોજગારી કમાય છે. અમે ત્યાં જઈએ ત્યારે તેમને ત્યાંથી કાઢીએ છીએ.” નિષ્ણાંતો ચેતવણી આપે છે કે જો અસરકારક હેરિટેજ મેનેજમેન્ટ પ્લાન લાગુ નહિ પાડવામાં આવે તો શહેર વર્લ્ડ હેરિટેજ સિટીનું સ્ટેટસ ગુમાવી શકે છે.
from Page Array – I Am Gujarat http://bit.ly/2LMH3lD
No comments:
Post a Comment