Apple iOS 13: iPhone અને iPad વાપરવાનો અનુભવ બદલી નાખશે આ ફીચર્સ

ખાસ ફીચર્સ સાથે આવશે iOS 13

એપલ પોતાના ડિવાઈસ માટે આઈઓએસનું નવું વર્ઝન ટૂંક સમયમાં જ રજૂ કરશે. કંપની નવી iOSની જાહેરાત એન્યુઅલ ડેવલપર્સ કોન્ફ્રેંસ WWDC દરમિયાન કરી શકે છે. કંપનીની કોન્ફ્રેંસ WWDC 2019ની શરૂઆત 3 જૂનથી થશે, જે 7 જૂન સુધી ચાલશે. એપલ નવા OSમાં ઘણા નવા ફીચર્સ લાવી શકે છે. જે અંગે ઘણી ડિટેલ લીક થઈ છે. iOS 13માં યૂઝર્સને કેટલાક નીચે જણાવેલા ફીચર્સ મળી શકે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ડાર્ક મોડ

એપલ નવા અપડેટમાં ડાર્ક મોડ લઈને આવી શકે છે. જેની મદદથી યૂઝર્સના યૂઆઈ એક્સપીરિયન્સ વધુ સારો થશે અને આખી સિસ્ટમ ડાર્ક ગ્રે ટોનમાં જોવા મળશે. યૂઝર્સની આંખો માટે પણ આ સારું રહેશે.

સ્લીપ મોડ

અટકળો છે કે, એપલ નવા iOSમાં એક ડેડિકેટેડ સ્લીપ મોડ આપી શકે છે. આ મોડને ઓન કરો એટલે યૂઝર્સે સવારે સેટ કરેલા સમય સુધી કોઈ નોટિફિકેશન નહીં આવે.

મલ્ટીપલ યૂઝર અકાઉન્ટ

પર્સનલાઈઝ એક્સેસ માટે યૂઝર્સને નવી ઓએસ પર મલ્ટીપલ અકાઉન્ટ સપોર્ટ મળશે. મતલબ કે, યૂઝર એક જ ડિવાઈસમાં સેટિંગ બદલ્યા વિના અનેક ઈન્ટરફેસનો ઉપયોગ કરી શકશે.

વોટ્સએપ જેવી મેસેજિંગ એપ

એપલ iMessageમાં ફેરફાર કરી શકે છે. કહેવાઈ રહ્યું છે કે, બદલાવ બાદ આ એપ લગભગ વોટ્સએપ જેવી થઈ જશે. જેમાં યૂઝર પોતાની તસવીર અને ડિસ્પ્લે નામ પણ લગાવી શકશે.

મેઈલ એપમાં બદલાવ

જીમેઈલની જેમ જ નવા મેઈલ એપ માં યૂઝર્સને અલગ-અલગ ટેબ મળશે. જેની મદદથીી નજીકના મિત્રો કે એડવર્ટાઈઝર્સના મેઈલ અલગ-અલગ જોઈ શકાશે.

ફોન ખોવાઈ જાય તો આ રીતે ટ્રેક કરી શકાશે

iOS 13માં ‘Find my friend’ અને ‘Find my iPhone’ જેવી સર્વિસ માટે અલગ એપ આપવામાં આવી શકે છે. કહેવાઈ રહ્યું છે કે, નેટવર્ક ન હોય ત્યારે ‘find network’ની મદદથી એપલ ડિવાઈસને ટ્રેક કરી શકાય છે.

અપડેટેડ મેપ્સ

નવી એપલ ઓએસમાં મેપ એપ્લિકેશનને પણ અપડેટ કરવામાં આવી શકે છે. જેમાં સરળતાથી નેવિગેશન કરવા માટે ઓપ્શન મળી શકે છે. ગૂગલ મેપ્સની જેમ આમાં પણ ઘર કે ઓફિસનું એડ્રેસ પસંદ કરવાનું ઓપ્શન મળી શકે છે.

સ્વાઈપ-જેસ્ચર કીબોર્ડ

ઘણી થર્ડ પાર્ટી એન્ડ્રોઈડ કી-બોર્ડ સ્વાઈપ જેસ્ચરને સપોર્ટ કરે છે અને હવે એપલ સ્ટોક કી બોર્ડ પણ આ ફીચર સાથે આવી શકે છે. આ પ્રકારે ટાઈપિંગ જલ્દી અને સરળતાથી થશે. આ સિવાય દર વર્ષની જેમ આ વર્ષે પણ નવી ઓએસમાં એપલ નવા ઈમોજી કેરેક્ટર ઉમેરાઈ શકે છે. કેટલાક રિપોર્ટ્સ મુજબ, જ્યૂસ બોક્સ, સ્લોથ અને હાથ પકડેલા લોકો જેવા નવા ઈમોજી મળી શકે છે.

માઉસ સપોર્ટ

એપલ આઈપેડ પ્રો-મોડલનો પ્રચાર લેપટોપનો વિકલ્પ તરીકે કરી રહ્યું છે. શક્ય છે કે નવી iOS આવ્યા બાદ માઉસ સપોર્ટ પણ યૂઝર્સને મળે. આ રીતે કામ કરવું સરળ રહેશે.

from Page Array – I Am Gujarat http://bit.ly/2EhahCU