વર્લ્ડકપ પહેલા ટીમ ઈન્ડિયાને બીજો ઝટકો, આ સ્ટાર ખેલાડીના મોઢામાંથી નીકળ્યું લોહી

વર્લ્ડકપ પહેલા ભારતીય ટીમને ઝટકો

30 મેથી શરૂ થઈ રહેલા વર્લ્ડકપમાં ભારત પોતાના અભિયાનની શરૂઆત 5 જૂનથી દક્ષિણ આફ્રિકા સામેની મેચથી કરશે. આ પહેલા ભારત માટે ખરાબ સમાચાર આવ્યા છે. ટીમ ઈન્ડિયાના ઓલરાઉન્ડર વિજય શંકરના ઈજાગ્રસ્ત થયા બાદ હવે ઓપનર બેટ્સમેન શિખર ધવન પણ ઈજાગ્રસ્ત થઈ ગયો છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

પ્રેક્ટિસ સેશનમાં ઈજાગ્રસ્ત થયો ખેલાડી

ભારતીય ટીમને વર્લ્ડકપ પહેલા બે પ્રેક્ટિસ મેચ રમવાની છે. ટીમ ઈન્ડિયા પોતાની પહેલી પ્રેક્ટિસ મેચ શનિવારે કેનિંગ્ટન ઓવલમાં ન્યૂઝીલેન્ડમાં સામે રમશે. જ્યારે બીજી 28મેએ બાંગ્લાદેશ સામે રમશે. આ પહેલા ખેલાડીઓના ઈજાગ્રસ્ત થવાનું શરૂ થઈ ગયું છે.

ધવનના હોઠમાંથી નીકળ્યું લોહી

હકીકતમાં પ્રેક્ટિસ સેશન દરમિયાન બેટિંગ કોચ સંજય બાંગર ધવનને બેટિંગ પ્રેક્ટિસ કરાવી રહ્યા હતા. ત્યારે જ એક શોર્ટ પિચ બોલ તેના હેલ્મેટ પર આવીને વાગ્યો. જેના કારણે ધવનના હોઠમાંથી થોડું લોહી નીકળવા લાગ્યું. આ બાદ તે નેટ્સથી બહાર જતો રહ્યો. ધવનને તરત જ ઉપચાર માટે મોકલી દેવામાં આવ્યો. રિપોર્ટ મુજબ હાલમાં ધવનની સ્થિતિ સારી છે.

વિજય શંકરને પણ હાથમાં ઈજા

ઉલ્લેખનીય છે કે આ પહેલા ભારતના બીજા ઓલરાઉન્ડર વિજય શંકરને પણ ટ્રેનિંગ સેશન દરમિયાન હાથમાં ઈજા થઈ હતી. વિજય નેટ્સમાં બેટિંગ પ્રેક્ટિસ કરી રહ્યો હતો ત્યારે જ તેના ડાબા હાથમાં ઈજા થઈ. ઈજા થયા બાદ તે દુઃખથી પીડાઈ રહ્યો હતો જે પછી તેને ફિઝિયોની મદદ લેવી પડી. ઈજા થયા બાદ વિજય નેટ્સથી બહાર નીકળી ગયો હતો.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2HFly2d