પાકિસ્તાની ઓપનર ઈમામ-ઉલ-હકે વિરાટ કોહલીને પછાડ્યો, મેળવી આ સિદ્ધિ

ઈંગ્લેન્ડ સામે ઈમામે રમી 151 રનની શાનદાર ઈનિંગ

પાકિસ્તાનના ઓપનિંગ બેટ્સમેન ઈમામ ઉલ હકે ઈંગ્લેન્ડ વિરુદ્ધ ત્રીજી વન-ડેમાં શાનદાર 151 રનની ઈનિંગ રમી. આ ઈનિંગ્સ સાથે તેણે કરિયરમાં એક મોટી સિદ્ધિ મેળવી લીધી. તેણે વન-ડે કરિયર એવરેજ બાબતે ભારતીય કેપ્ટન વિરાટ કોહલીને પાછળ છોડી દીધો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

એવરેજ બાબતે કોહલીથી આગળ નીકળ્યો

ઈમામ 27 વન-ડે મેચોમાં 60.04 રનની એવરેજ સાથે 1381 રન બનાવી ચૂક્યો છે. આ દરમિયાન તેણે 6 સદી અને 5 અર્ધ સદી લગાવી છે. ઈમામ આની સાથે જ વન-ડે ઈન્ટરનેશનલ ક્રિકેટમાં સૌથી વધુ સરેરાશ (1000થી વધુ રન બનાવ્યા બાદ) ધરાવનારો બીજો બેટ્સમેન બની ગયો છે. તેણે આ બાબતે વિરાટ કોહલીને પાછળ છોડી દીધો છે જે અત્યારે 227 મેચોમાં 59.57 રનની એવરેજ સાથે ત્રીજા સ્થાને છે. પ્રથમ નંબરે નેધરલેન્ડ્સનો રાયન ટેન ડોશ્ચેટ છે જેણે 33 વન-ડેમાં 67 રનની એવરેજ સાથે 1541 રન બનાવ્યા છે.

ઈન્ઝમામનો ભત્રીજો છે ઈમામ

મહાન પાકિસ્તાની બેટ્સમેન અને કેપ્ટન ઈંઝમામ-ઉલ-હકનો ભત્રીજો ઈમામ નાનકડા કરિયરમાં જ છાપ છોડી ચૂક્યો છે. તે જે રીતે બેટિંગ કરે છે તે જોતા મોટા-મોટા દિગ્ગજો તેને અત્યારથી જ ભવિષ્યનો સુપરસ્ટાર માનવા લાગ્યા છે.

વન-ડેમાં સર્વશ્રેષ્ઠ બેટિંગ એવરેજ (1 હજારથી વધુ રન)

રાયન ટેન ડોશ્ચેટ (નેધરલેન્ડ્સ) 67.00

ઈમામ-ઉલ-હક (પાકિસ્તાન) 60.04

વિરાટ કોહલી (ભારત) 59.57

માઈકલ બેવન (ઓસ્ટ્રેલિયા) 53.58

એબી ડિ વિલિયર્સ (સા.આફ્રિકા) 53.50

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2WM7ybH