મહાન ઑસ્ટ્રેલિયન ક્રિકેટરે ધોનીને કહ્યો ગલી ટીમનો કેપ્ટન!

આખી દુનિયામાં વાગે છે ધોનીની કેપ્ટનશિપનો ડંકો

ઈન્ડિયન પ્રીમિયર લીગ 2019ની ફાઈનલમાં મુંબઈ ઈન્ડિયન્સ અને ચેન્નઈ સુપરકિંગ્સ વચ્ચે થઈ રહી છે. રોહિત શર્મા અને ધોનીએ પોતાની લીડરશિપના દમ પર તેમની ટીમોને ફાઈનલમાં પહોંચાડી છે. આમ તો, આખી દુનિયામાં ધોનીની કેપ્ટનશિપના વખાણ થાય છે જ્યારે ઑસ્ટ્રેલિયાના મહાન ક્રિકેટર અને ચેન્નઈ સુપરકિંગ્સની ટીમનો ભાગ રહી ચૂકેલા મેથ્યૂ હેડને માહી માટે મોટું અને ચોંકાવનારું નિવેદન આપી દીધું છે.

ધોની માત્ર ખેલાડી નહીં, એક યુગ છે : હેડન

ધોની વિશે હેડને કહ્યું કે, તે કોઈ ખેલાડી નહીં પણ ક્રિકેટનો એક યુગ છે. હેડને કહ્યું કે, ‘ધોની માત્ર એક ખેલાડી નહીં પણ ક્રિકેટનો એક યુગ છે. ઘણી રીતે મને લાગે છે કે, ધોની ગલી ક્રિકેટ ટીમનો કેપ્ટન છે. તો અમારામાંથી જ એક છે જે ટીમ માટે બધું કરી છૂટે છે.’

‘ધોની ચેન્નઈનો જ નહીં, દેશનો કેપ્ટન’

હેડને આગળ જણાવ્યું કે, ‘તમે જોતા હશો કે, જે રીતે ધોની પ્રેક્ટિસ કરે છે, જે રીતે પોતાના લેગ સ્પિનર્સ પાસે બોલિંગ કરાવે છે, કેચ પકડાવે છે અને ખેલાડીઓ પાસેથી સલાહ લે છે અને આ બધા છતા તે ખૂબ જ શાંત રહે છે. તેના જેવો માણસ જો તમારી આસપાસ રહે તો તમે ઘણો આરામ અનુભવો છો. તેને ‘થાલા’ નામ આપવામાં આવ્યું છે કારણ કે, તે ન માત્ર ચેન્નઈનો જ નહીં પણ આખા દેશનો કેપ્ટન છે.’

8 વખત ફાઈનલમાં પહોંચી CSK

જણાવી દઈએ કે, ધોનીની કેપ્ટનશિપમાં અત્યાર સુધી ચેન્નઈ સુપરકિંગ્સે IPLની દરેક સિઝનમાં પ્લેઑફમાં સ્થાન બનાવ્યું છે. સાથે જ ટીમ રેકોર્ડ 8 વખત ફાઈનલમાં પ્રવેશ મેળવી ચૂકી છે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2PXPokK