IPLની ફાઈનલમાં ધોનીએ રચ્યો ઈતિહાસ, રેકોર્ડ્સ બુકમાં નોંધાયું નામ

ફાઈનલમાં ધોનીએ બનાવ્યો રેકોર્ડ

હૈદરાબાદઃ ચેન્નઈ સુપરકિંગ્સના કેપ્ટન મહેન્દ્ર સિંહ ધોનીએ રવિવારે આઈપીએલ 2019ની ફાઈનલમાં એક મોટો રેકોર્ડ પોતાના નામે કરી લીધો છે. એમએસ ધોની આઈપીએલ ઈતિહાસમાં સૌથી વધારે કેચ કરનાર વિકેટકીપર બની ગયો છે. તેણે કોલકાતા નાઈટ રાઈડર્સના કેપ્ટન દિનેશ કાર્તિકને પાછળ છોડતા આ રેકોર્ડ પોતાના નામે કર્યો. ધોનીએ આ ઉપલબ્ધિ હૈદરાબાદના રાજીવ ગાંધી ઈન્ટરનેશનલ સ્ટેડિયમમાં મુંબઈ ઈન્ડિયન્સ સામે હાંસેલ કરી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

IPLનો સૌથી સફળ વિકેટકીપર બન્યો

માહીએ દીપક ચહરની બોલિંગમાં મુંબઈ ઈન્ડિયન્સના કેપ્ટન રોહિત શર્માનો કેચ પકડીને આ ઉપલબ્ધિ હાંસેલ કરી. તે આઈપીએલનો સૌથી સફળ વિકેટકીપર બની ગયો. જણાવી દઈએ કે મુંબઈ ઈન્ડિયન્સની ઈનિંગની ત્રીજી ઓવરમાં બીજા બોલ પર રોહિતને પોતાનો શિકાર બનાવ્યો હતો.

કાર્તિકથી આગળ નીકળ્યો ધોની

આઈપીએલની ફાઈનલ મેચમાં પણ રોહિતનું ખરાબ ફોર્મ ચાલું રહ્યું હતું. તો ધોનીએ આઈપીએલ ઈતિહાસનો રેકોર્ડ પોતાના નામે કર્યો. 37 વર્ષના ધોનીએ આઈપીએલમાં અત્યાર સુધી 132 શિકાર કર્યા છે. જેમાંથી 94 કેચ અને 38 સ્ટમ્પિંગ છે. જ્યારે કોલકાતા નાઈટ રાઈડર્સના કેપ્ટન દિનેશ કાર્તિક 131 શિકાર સાથે બીજા સ્થાને છે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2vVqkSs