છેલ્લા બોલે મુંબઈનો રોમાંચક વિજય
IPL12ની ફાઈનલમાં મુંબઈ ઈન્ડિયન્સે છેલ્લા બોલે ચેન્નઈ સુપરકિંગ્સને 1 રનથી હરાવી ચોથીવાર ચેમ્પિયન બની છે. સતત ઉતાર-ચઢાવવાળી રહેલી આ મેચમાં છેલ્લા બોલે લસિથ મલિંગાએ શાર્દુલ ઠાકુરને આઉટ કરી મુંબઈને એક રનથી જીત અપાવી દીધી હતી. મુંબઈના 150 રનના ટાર્ગેટ સામે ચેન્નઈ 20 ઓવરમાં 7 વિકેટે 148 રન જ બનાવી શકી.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
મલિંગાનો મેજિક, છેલ્લા બોલે વિકેટ લઈ MIને જીતાડ્યું
150 રનના ટાર્ગેટની સામે ચેન્નઈની શરૂઆત સારી રહી પણ 33 રનના સ્કોરે તેને ફાફ ડુ પ્લેસિસ (26)ના રૂપે પ્રથમ ઝટકો લાગ્યો. બાદમાં સુરેશ રૈના (8) અને શેન વોટસન (80)એ બીજી વિકેટ માટે 37 રનની ભાગીદારી કરી પણ પછી 12 રનના ગાળામાં જ ત્રણ વિકેટો પડી જતા મેચ રોમાંચક તબક્કામાં પહોંચી ગઈ. બાદમાં ડ્વેન બ્રાવો (15)એ વોટસને 51 રનની ભાગીદારી નોંધાવતા CSKની જીત લગભગ નક્કી થઈ હતી. પણ જસપ્રીત બુમરાહે ચુસ્ત બોલિંગ કરતા 17મી અને 19મી ઓવરમાં વધારે રન આપ્યા નહોતા. પરિણામે મેચ 20મી ઓવરમાં ગઈ હતી જ્યાં લસિથ મલિંગાએ છેલ્લા બોલે શાર્દુલ ઠાકુરને આઉટ કરી મુંબઈને જીત અપાવી હતી. શેન વોટસન પણ આ ઓવરમાં રનઆઉટ થયો હતો. તેણે છેક સુધી CSKને જીતાડવા માટે સંઘર્ષ કર્યો પણ તે નિષ્ફળ રહ્યો.
પોલાર્ડના 41, મુંબઈએ બનાવ્યા 149 રન
અગાઉ મુંબઈ ઈન્ડિયન્સ ટૉસ જીતી પ્રથમ બેટિંગ લીધી હતી. રોહિત શર્મા (15) અને ક્વિન્ડન ડી કૉક (29)એ અપાવેલી સારી શરૂઆત બાદ મુંબઈની ઈનિંગ ડગમગી હતી. ઈશાન કિશન (23), સૂર્યકુમાર યાદવ (15)એ અત્યંત ધીમી બેટિંગ કરતા મુંબઈની સ્થિતિ ખરાબ થઈ હતી. છેલ્લી ઓવરોમાં કેરોન પોલાર્ડે 25 બોલમાં 41 રનની ઈનિંગ્સ રમી મુંબઈને 8 વિકેટે 149 રનના સ્કોર સુધી પહોંચાડી હતી. ચેન્નઈ તરફથી દીપક ચહરે સૌથી વધુ ત્રણ જ્યારે શાર્દુલ ઠાકુર અને ઈમરાન તાહિરે 2-2 વિકેટો લીધી હતી.
from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2Q29PNA
No comments:
Post a Comment