પ્રયાગરાજ જવાનું થાય તો આ ફૂડ ભૂલથી પણ મિસ ન કરતા, ટેસ્ટ રહી જાશે યાદ

આ ડીશ ખૂબ લોકપ્રિય

ધર્મનગરી પ્રયાગરાજ માત્ર કુંભમેળા અને ગંગા ઘાટને લઈને જ જાણીતું શહેર નથી. પણ અહીંના વ્યજનો પણ માણવા લાયક છે. જેનો સ્વાદ કાયમ માટે દાઢમાં રહી જશે. સવાર પડતા જ અહીં ગરમાગરમ ડીશ બનાવવાનું કામ શરુ થઈ જાય છે. જે સાંજ સુધી ચાલે છે. સ્નેક્સથી લઈને મીઠાઈઓ સુધી અનેક આઈટમ અહીં પ્રાપ્ય છે. અહીં દરેક ડીશમાં જુદા જુદા મસાલાનો ભરપુર ઉપયોગ થાય છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

કચોરીનું શાક

માત્ર પ્રયાગરાજ જ નહીં પણ સમગ્ર ઉત્તર પ્રદેશના મોટા ભાગના શહેરોમાં વહેલી સવારે કચોરીના શાકની સુંગધ આવશે. આ શાકને સવારે નાસ્તા તરીકે લેવામાં આવે છે. જેને ટેસ્ટ કરવા માટે દેશ-વિદેશના લોકો અહીં આવે છે. અડદની દાળની કચોરી અને બટેટાના મિશ્રણથી બનેલું આ શાક લોકો બે હાથે ખાય છે. જેમા આ બે વસ્તુઓ સિવાય ચણા, કચોરીના ટુકડા અને સિંગ હોય છે.

ચુરમુરા

કંઈક લાઈટ ખાવાનો મૂડ હોય તો ચુરમુરા બેસ્ટ ડીશ છે. અહીંના લોકો તેને સ્નેક તરીકે ખાય છે. સેવ મમરા, કાચી કેરી, ટોપરાનું ખમણ, મરી મસાલા, ડુંગળી, ટમેટા અને લીંબુના રસથી તે બને છે. સ્વાદ અનુસાર અહીં મસાલાને અહીં અનુકુળતા પ્રમાણે નાંખી શકાય છે. પ્રયાગરાજના સિવિલ લાઈન્સમાં પ્લેટ ભરીને આ ડીશનો ટેસ્ટ માણી શકાય છે.

ચાટ

ચાટ પ્રયાગરાજની મુખ્ય ડીશ માનવામાં આવે છે. સાંજ પડતા જ લોકો પાણીપુરીની સાથે ચાટનો ટેસ્ટ માણે છે. જેમાં ટીક્કી ચાટ, સિંગદાણા, મસાલા અને લીંબુથી આ ડીશ તૈયાર થાય છે. માત્ર સ્થાનિકો જ નહીં બીજા રાજ્યમાંથી આવતા લોકો પણ આ ચાટ ખાવા માટે અહીં રોકાય છે. અહીં દરેક વિસ્તામાં ચાટની રેકડીઓ જોવા મળશે. પણ ધંટાઘર નજીક લોકનાથના ચાટનો ટેસ્ટ એક વખત કરવા જેવો છે. એક કે બે નહીં પણ અનેક પ્રકારના ચાટ અહીં મળી રહે છે. દહી ચાટ અને મસાલા ચાટ અહીં લોકપ્રિય છે.

ઈમરતી

ઈમરતી સ્વાદ જલેબથી થોડી અલગ હોય છે. તેમ છતાં તેને જલેબીની મીઠાઈ હોવાનું લોકો માની રહ્યા છે. અહીં જલેબીને મેંદાના લોટમાંથી તૈયાર કરવામાં આવે છે. જ્યારે ઈમરતી અડદની દાળમાંથી બને છે. આ જ કારણે તે એકબીજાથી અલગ પડે છે. પ્રયાગરાજ આવીને ઈમરતી ખાવાનું ચૂકતા નહીં. જે કોઈ પણ દુકાને મળી રહેશે

દોલત ચાટ

આ કોઈ ચાટ નથી પણ ડેઝર્ટ છે. જે પ્રયાગરાજમાં ખૂબ જ લોકપ્રિય છે. કેસર, એલચી અને દુધની મદદથી તે તૈયાર કરવામાં આવે છે. કુલડીમાં આપવામાં આવે છે. જેમાં ઉપરથી પિસ્તા અને બદામ નાંખીને આપવામાં આવે છે. ટેસ્ટમાં તે એકદમ બેસ્ટ હોય છે.

 

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat http://bit.ly/2WGpvsc