શિલ્પા શેટ્ટીએ કહી પોતાની આપવીતી, આ કારણે ફિલ્મોમાંથી કાઢી મૂકતા હતા નિર્માતાઓ

શેરકરી આપવીતી

બોલિવૂડની ફીટગર્લ તરીકે જાણીતી સિનિયર અભિનેત્રી શિલ્પા શેટ્ટીએ વર્ષ 1993માં રીલિઝ થયેલી ફિલ્મ ‘બાઝીગર’થી ફિલ્મી દુનિયામાં એન્ટ્રી કરી હતી. જેમાં તે કિંગખાન અને કાજોલ સાથે જોવા મળી હતી. આ ફિલ્મ એ સમયે સુપરહીટ સાબિત થઈ હતી. આ પછી તેણે અનેક ફિલ્મો કરી પણ તે લાંબા સમય સુધી ટકી શકી નથી. જોકે, એ સમયની આપવીતી તેણે પોતાના સોશિયલ મીડિયા પર શેર કરી હતી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ફિલ્મી સફર અંગે કહી આ વાત

શિલ્પાએ પોતાના ઈન્સ્ટાગ્રામ પર ફિલ્મી સફર અંગે કહ્યું હતું કે, હું ડાર્ક હતી, લાંબી અને પાતળી હતી. ગ્રેજ્યુએશન બાદ મે પિતા સામ કામ કર્યું હતું. પરંતુ, કંઈક નવું બેસ્ટ અને મોટું કરવા માગતી હતી. પણ ક્યારેય વિચાર્યું ન હતું કે આ સ્ટેજ પર પહોંચીશ. મે તો માત્ર એક ફન માટે ફેશન શૉમાં ભાગ લીધો હતો. એ પછી મારી મુલાકાત એક ફોટોગ્રાફર સાથે થઈ હતી. જે મારા ફોટા પાડવા માગતો હતો.

એ તક હતી

મારા માટે એ સમય આરામદાયક જીવનમાંથી બાહર આવવાનો સમય હતો. મારા ફોટા સારા હતા. એ જોઈને હું પણ ખુશ થઈ હતી. આ ફોટોગ્રાફે મારા માટે મોડેલિંગના દરવાજા ખોલી નાખ્યા. ત્યાર બાદ ફિલ્મની ઓફર મળવા લાગી. ત્યાર બાદ મે પાછળ વળીને જોયું નથી. પણ સરળતાથી મળતી વસ્તુઓની કિંમત નથી થતી. જ્યારે ફિલ્મની દુનિયામાં આવી ત્યારે 17 વર્ષની હતી. દુનિયા પણ યોગ્ય રીતે જોઈ ન હતી. જીવનને પણ સમજતી ન હતી. મને સફળતા મળી પણ એ માટે હું તૈયાર ન હતી. કારણ કે હિન્દી બોલતા પણ આવડતું ન હતું.

કેમેરો જોઈને ધ્રુજી જતી

ફિલ્મના કેમેરા જોઈને હું ધ્રુજી જતી હતી, પછી એ સમય આવ્યો કે, અમુક ફિલ્મો કર્યા બાદ મને ફિલ્મોમાં કામ મળવાનું બંધ થઈ ગયું. અનેક પ્રયત્નો કર્યા પણ એવું લાગ્યું કે, આગળના બદલે પાછળ જાવ છું. એ સમય મારા માટે સરળ ન હતો. કેટલાક પ્રોડ્યુસરોએ મને કારણ વગર ફિલ્મ પ્રોજેક્ટમાંથી બાહર કાઢી મૂકી હતી. નસીબ સાથ આપતા ન હતા અને પ્રયત્ન વધારવાના હતા. એ સમયે પણ કંઈક અલગ કરવાની તક હતી. મને જાહેરમાં ધમકાવવામાં આવી અને ભેદભાવ પણ કરવામાં આવ્યો. ઘરમાં પણ એકલી હતી. છતાં મે હાર નથી માની, માનસિક રીતે નબળી પડી ન હતી. પણ જ્યારે સફળ થઈ ત્યારે લોકોએ મને કહ્યું કે, તમે અમને ગૌરવ અપાવ્યું છે.

સ્ટ્રગલ અસર કરે છે

એ વખતે મને થયું કે, સ્ટ્રગલ ઘણી રીતે અસર કરે છે. હું મારા પગ પર માત્ર મારા માટે જ નહીં પણ જાતિવાદના ભેદભાવનો શિકાર બનેલા એ તમામ લોકો માટે ઊભુ થવું હતું. જીવન ખૂબ પ્લસ અને માઈનસથી ભરેલું છે. ભયાનક સમય પણ આવ્યો અને સુખ પણ જોયું છે. દરેક ક્ષણને માણી છે. આજે એક મજબુત મહિલા, સારી એક્ટર, પત્ની અને એક મા.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2HrXRdm