અજય-તબ્બુ ની જોડીની કમાલ, બે દિવસમાં ‘દે દે પ્યાર દે’ કમાઈ આટલા કરોડ

‘દે દે પ્યાર દે’ને સારો રિસ્પોન્સ

અજય દેવગણ સ્ટારર ‘દે દે પ્યાર દે’ 17 મેના રોજ થિએટર્સમાં રિલીઝ થઈ. ફિલ્મમાં અજય અને તબ્બુ ઉપરાંત રકુલપ્રીત સિંહ પણ લીડ રોલમાં છે. ફિલ્મે ઓપનિંગ ડે પર ટ્રેડ પંડિતોની આશાને અનૂરૂપ જ કમાણી કરી. ફિલ્મે પહેલા દિવસે બૉક્સ ઑફિસ પર 9 કરોડ રૂપિયાનું કલેક્શન કર્યું. બીજા દિવસે એટલે કે, શનિવારે ફિલ્મે 13 કરોડ 40 લાખ રૂપિયાની કમાણી કરી. આ રીતે ફિલ્મનું બે દિવસમાં કુલ કલેક્શન 23 કરોડ 80 લાખ થઈ ચૂક્યું છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ફર્સ્ટ વીકેન્ડમાં પાર કરી જશે 30 કરોડનો આંડકો

વીકેન્ડની કમાણી અંગે ટ્રેક પંડિતોનું અનુમાન છે કે, ફિલ્મ પહેલા વીકેન્ડ બાદ કુલ 30 કરોડની આસાપાસની કમાણી કરી શકે છે. માનવામાં આવી રહ્યું છે કે, ‘સ્ટુડન્ટ ઑફ ધ યર’ના એવરેજ પરફોર્મન્સ બાદ અજયની ફિલ્મ લોકોનું દિલ જીતવામાં સફળ રહેશે.

‘SOTY 2’ પડી નબળી, અજયની ફિલ્મને ફાયદો

ફિલ્મનું બજેટ આશરે 80 કરોડ રૂપિયાની આસપાસ છે. ટ્રેડ પંડિત અનુસાર, બોક્સ ઑફિસ પર ‘SOTY 2’ને બદલે અજયની ફિલ્મ લોકોની પહેલી પસંદ હોઈ શકે છે. ‘દે દે પ્યાર દે’ યૂથ ઉપરાંત પરિવારોને પણ પોતાની તરફ આકર્ષિત કરશે.

લોકોને ગમી રહી છે અજય-તબ્બૂની જોડી

‘દે દે પ્યાર દે’ની કમાણી સારી હોવાનું એક કારણ એ પણ કહેવાઈ રહ્યું છે કે, ‘SOTY 2’માં માત્ર ટાઈગર શ્રૉફ જ સ્ટાર પાવર છે. ટાઈગર પોતાની દરેક ફિલ્મમાં એક્શન કરતો દેખાય છે, જેનાથી દર્શકો થોડા બોર થઈ ગયા છે. આવામાં અજય-તબ્બૂની કૉમેડીને જોવા માટે પણ લોકો જઈ શકે છે. આ ફિલ્મ ભારતમાં 3100 સ્ક્રીન્સ પર રિલીઝ થઈ છે. જ્યારે વર્લ્ડવાઈડ તે 3750 સ્ક્રીન્સ પર રિલીઝ થઈ છે. ફિલ્મમાં લગ્ન-અફેરની વચ્ચેની મથામણ લોકોને ગમી રહી છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2YCHksM