એક્ટરે પૂર્વ પત્ની પર લગાવ્યો આરોપ, કહ્યું ‘દારૂ પીને મારી સાથે કરતી હતી મારઝૂડ’

એક્ટર અને તેની વચ્ચે ચાલી રહ્યો છે વિવાદ

હોલિવુડના સુપરસ્ટાર જ્હોની ડેપે પૂર્વ પત્ની સાથે ચાલી રહેલા વિવાદને લઈને કેટલાક નવા દસ્તાવેજો કોર્ટમાં રજૂ કર્યા છે. ડેપે કહ્યું કે તેની પૂર્વ પત્ની અંબર હર્ડ તેની સાથે મારઝૂડ કરતી હતી અને અપશબ્દો બોલતી હતી. હદ તો ત્યારે થઈ ગઈ જ્યારે તેની પત્ની એક્ટરના બેડ પર ટોઈલેટ કરી ગઈ. ડેપે કહ્યું કે આ બાદ મેં તેની સાથે છુટાછેડા લેવાનો નિર્ણય લઈ લીધો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

પહેલા એક્ટરની પત્નીએ આરોપ લગાવ્યો

જોની ડેપ અને તેની પૂર્વ પત્ની હર્ડ 2016માં એકબીજાથી અલગ થઈ ગયા હતા. આ બાદ બંને વચ્ચે કાયદાકીય ખેંચતાણ ચાલી. જ્યાં તેની પત્નીએ તેના પર આરોપ લગાવ્યો કે લગ્નના 18 મહિના સુધી તે તેની સાથે મારઝૂડ કરતો રહ્યો. પરંતુ એક્ટરે કોર્ટમાં રજૂ કરેલા દસ્તાવેજો બાદ આખી સ્ટોરીમાં નવો જ વળાંક આવ્યો.

એક્ટરે ફગાવ્યા આરોપ

એક રિપોર્ટ પ્રમાણે ડેપે કહ્યું કે તેના પર જે આરોપો લગાવવામાં આવ્યા છે તે બધા ખોટા છે. ડેપે કહ્યું કે તેની પત્નીએ શેર કરેલી તસવીરો હકીકત નથી પરંતુ તેને એડિટ કરવામાં આવ્યા છે. ઉલ્લેખનીય છે કે એક્ટરની પત્નીએ તમામ તસવીરો શેર કરી હતી અને આરોપ લગાવ્યો હતો કે તેને પહોંચેલી ઈજા પાછળ ડેપનો હાથ છે.

‘મારી સાથે કરતી હતી મારઝૂડ’

હવે એકટર ડેપે કહ્યું કે, ‘દવાને દારૂમાં મિક્સ કરીને તેની પત્ની તેને ઢોરમાર મારતી હતી. મારી પત્નીએ મારા પર વસ્તુઓ ફેંકતી હતી. જેમાં બોટલ, સોડાના કેન, સળગતની મીણબત્તી અને ટીવીનું રિમોટ જેવી વસ્તુઓ સામેલ હતી, જેના કારણે મને ગંભીર ઈજાઓ થતી હતી’.

એક્ટરે કોર્ટમાં જણાવી સમગ્ર વાત

ડેપે કેટલીક તસવીરો શેર કરી જેમાં એક તસવીરમાં જેમાં તેની કાળ આંખ અને તેના શરીર પર ઈજાના નિશાન જોવા મળી રહ્યા હતા. ડેપે પૂર્વ પત્ની પર 348 કરોડ રૂપિયાનો બદનક્ષીનો કેસ કર્યો છે. 2016માં સમાચાર હતા કે હોલિવુડનો સુપરસ્ટાર જોની ડેપ અને તેની પત્ની વચ્ચેના સંબંધોમાં ખટરાગ ચાલી રહ્યો છે. જોનીની પત્ની અંબર હર્ડે આરોપ લગાવ્યો હતો કે જોનીએ તેની સાથે ઘરેલું હિંસા કરી હતી અને તે ડ્રગ્સ અને દારૂનો આદી થઈ ગયો છે.

from Page Array – I Am Gujarat http://bit.ly/2VDaR3P