વાહ, મમ્મી એક્તા કપૂરે ચાર મહિનાના દીકરા માટે ભર્યું આવું પગલું

દીકરાની માતા છે એક્તા કપૂર

ભારતીય ટેલિવિઝનની ફેમસ પ્રોડ્યૂસર અને ડાયરેક્ટર એક્તા કપૂર થોડા સમય પહેલા જ સરોગેસીથી મા બની છે. બીજી માતાઓની જેમ એક્તા પણ પોતાના દીકરા સાથે વધારેમાં વધારે સમય પસાર કરવા માગે છે. એક્તા ઈચ્છે છે કે તે તેના દીકરા રેવી સાથે સમય પસાર કરી શકે અને તેની તેના કામ પર અસર પણ ન પડે, અને તેથી જ તેણે નવો ઉકેલ શોધી કાઢ્યો છે. એક્તાએ પોતાની ઓફિસમાં જ દીકરા માટે ઘોડિયાઘર બનાવી લીધું છે, જ્યાં તે આરામથી સમય વીતાવી શકે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ઓફિસમાં જ બનાવ્યુ ઘોડિયાઘર

મા બન્યા બાદ એક્તા કપૂરે બોમ્બે ટાઈમ્સ સાથે વાતચીત કરી હતી. તેણે કહ્યું કે, ‘હું હાલ તો મારા દીકરા સાથે બની શકે એટલો વધારે સમય પસાર કરવા માગુ છું. હવે હું પ્રયાસ કરૂ છું કે જેટલું બની શકે એટલી વહેલી ઓફિસે પહોંચી જાઉ’. એક્તાએ કહ્યું કે તેનો એ વાતનો પસ્તાવો છે કે તેણે પહેલા ઓફિસમાં કેમ ઘોડિયાઘર ન બનાવ્યું.

‘મારી માતા અને ટીમ ઘણો સપોર્ટ કરે છે’

એક્તાએ કહ્યું કે, ‘હું રેવીને ઓફિસે લઈને જાઉ છું અને તે મારી ટીમ સાથે સમય પસાર કરે છે. મને મારી માતા અને ટીમ તરફથી ખૂબ સપોર્ટ મળી રહ્યો છે. તો જ્યારે પણ હું મીટિંગમાં બિઝી હોઉ છું ત્યારે મારી ટીમ રેવીને રમાડે છે. તે હજુ નાનો છે પરંતુ તેણે મારી ટીમ સાથે મિત્રતા કરી લીધી છે. તે સાંભળવામાં થોડું અજીબ લાગે છે પરંતુ તે મારા ઓફિસના લોકોને ઓળખવા લાગ્યો છે’.

એક્તાને આ વાતનો પસ્તાવો છે

એક્તાએ કહ્યું કે, ‘જ્યારે મારો દીકરો મોટો થઈ જશે ત્યારે પણ આ ઘોડિયાઘર રહેશે કારણ કે વર્કિંગ માતાએ માટે તે જરૂરી છે કે તે પોતાના બાળકો સાથે સમય પસાર કરે. મારે આ પહેલા જ કરાવી દેવાનું હતું. પરંતુ મને પસ્તાવો છે કે મેં પહેલા આમ કેમ ન કર્યું?’.

સરોગેસીથી બની છે માતા

એક્તા 27 જાન્યુઆરીએ સરોગેસીથી માતા બની હતી. તેણે 31 જાન્યુઆરીએ સોશિયલ મીડિયા દ્વારા આ વાતની જાણકારી આપી હતી. તેણે દીકરાનું નામ રેવી રાખ્યું છે. એક્તાનો ભાઈ તુષાર પણ સરોગેસી દ્વારા એક દીકરાનો પિતા બન્યો છે, જેનું નામ લક્ષ્ય રાખવામાં આવ્યું છે.

from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat http://bit.ly/2EF057r