Dance India Danceનો પ્રોમો રીલિઝ, પ્રથમ વખત જજ તરીકે આ એક્ટ્રેસ જોવા મળશે

પ્રથમ વખત ટીવી પર

ફરી એક વખત ડાન્સ રીયાલિટી શૉ ડાન્સ ઈન્ડિયા ડાન્સ શરુ થવાનો છે. જેમાં આ વખતે ઉમેદવારો તો નવા હશે જ પણ જજ પણ નવા જોવા મળશે. આ શૉથી પ્રથમ વખત કોઈ ડાન્સ રીયાલિટી શૉમાં કરીના કપૂર જોવા મળશે. કરીના આ શૉથી ટીવી ક્ષેત્રે એક્ટિવ થઈ રહી છે. હવે કરીના પણ ડાન્સ ઈન્ડિયા ડાન્સના ફેમિલી લીસ્ટમાં જોડાશે. તાજેતરમાં શૉના નિર્માતાઓએ એક પ્રોમો શેર કર્યો હતો. જેમા કરીના પોતાના મુવ્ઝ રજૂ કરી રહી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

કોણ છે જજ?

રેમો, ટેરેન્સ, ગીતામા, માસ્ટર મુદ્દરસ, માસ્ટર મરઝી, સ્પીપર કૃતિ, નીરવ, રાઘવ, ધર્મેશસર, પુનિત બાદ હવે જજ તરીકે કરીના કપૂરની સાથે કોર્યોગ્રાફર બોસ્કો માર્ટિન અને રેપર રફતાર જોડાશે. આ ડાન્સ ઈન્ડિયા ડાન્સની સાતમી સિઝન છે. આ શૉ આવતા મહિનાથી ઓન એર થવાનો છે. જય ભાનુશાળી અને આદિત્ય નારાયણ બાદ હવે એક્ટર ધીરજ કપૂર આ શૉને હોસ્ટ કરશે. જોકે, હોસ્ટિંગની બાબતે જયની લોકચાહના આ શૉથી એકએક વધી ગઈ હતી. આ સિવાય આજે પણ ડાન્સ ઈન્ડિયા ડાન્સના હોસ્ટ તરીકે જયને બેસ્ટ માની રહ્યા છે.

આવી રહી છે આ ફિલ્મ

કરીના સિવાય સૈફ અલી ખાન પણ આ શૉમાં જોવા મળશે. કરીના પોતાની નવી ફિલ્મ ‘ગુડ ન્યૂઝ’માં જોવા મળશે. જેમાં તે અક્ષય કુમાર, દિલજીત દોસાંજ અને કિયારા અડવાણી સાથે જોવા મળશે. આ સિવાય કરણ જોહરના મોટા પ્રોજેક્ટ ‘તખ્ત’ માં પણ જોવા મળશે. ફિલ્મ ગુડ ન્યૂઝનું શુટિંગ પુરુ થઈ ગયું છે. હાલ તે નવી ફિલ્મ ‘અંગ્રેજી મીડિયમ’ની તૈયારી કરી રહી છે. આ ફિલ્મમાં પહેલી વખત કરીના એક પોલીસનો રોલ પ્લે કરી રહી છે.

2009માં થઈ હતી શરુઆત

ડાન્સ ઈન્ડિયા ડાન્સ સૌ પ્રથમ વખત 2009માં શરુ થયો હતો. આ તેની પ્રથમ સિઝન હતી જેમાં સલમાન યુસુફ વિનર રહ્યો હતો. ત્યાર બાદ બીજી સીઝન 2010માં આવી હતી જેમાં શક્તિ મોહન વીનર રહી હતી. આ પછી ત્રીજી સીઝન 2012માં આવી હતી. જેમાં રાજસ્મિતા વિનર રહી હતી. ત્યાર બાદ ચોથી સીઝન 2014માં આવી હતી. જેમાં શ્યામ યાદવ વિનર રહ્યો હતો. આ પછી પાંચમી સીઝન 2015માં આવી જેમાં પ્રોનીતા વિનર રહી હતી. જ્યારે છઠ્ઠી સીઝનમાં સંકેત ગાઓનકર વિનર રહ્યા હતા.

 

from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat http://bit.ly/2X9NtfH